Author: BACHAN TV

स्वर्गीय एस्तर थापाको श्रद्धाञ्जली सभा

ललितपुरको सातदोबाटोस्थित स्तुति पशंसा मण्डलीका पा. अमर थापाका धर्मपत्नी स्वर्गीय एस्तर थापाको आज अन्तिम विदाई तथा श्रद्धाञ्जली सभा भयो । उहाँ २०७७ साउन ९ गते शुक्रबारको दिन विहान १०ः३० बजे प्रभुमा सुत्नु भएको थियो । उहाँको जन्म वि.सं. २०२२ कार्तिक १६ गतेका दिनमा भएको थियो । ५५ वर्षको उमेरमा उहाँ अनन्तको घरमा प्रवेश गर्नु भएको छ । उहाँ प्रभुमा सुत्नु भएको एक हप्ता पछि आज श्रद्धाञ्जली सभा भयो ।
सोही मण्डलीका एल्डर डेविट लेप्चाले परमेश्वरको वचनबाट सान्त्वना दिनुभएको थियो । उहाँले सच्चा गुरुआमाको भुमिका खेलेर स्वर्ग जानुभयो । परमेश्वरको वचनले हामीलाई मलमपट्टीको काम गर्दछ । हामीसँग जिउँदो आशा रहेको छ ।

विभिन्न व्यक्तिहरुले उहाँको बारेमा बताउनु भयो । उहाँको श्रीमान् पा. अमर थापाले आमापछि दोस्रो आमा रुपमा माया, प्रेम, वास्ता गरेको बताउनु भयो साथै स्तुति प्रशंसा मण्डली यहाँसम्म आउन उहाँको अतुलनिय योगदानको चर्चापरिचर्या गर्नुभएको थियो ।

स्वर्गीय थापाले क्यान्सर रोगको उपचार गराइ रहनु भएको थियो । उहाँको १ छोरा र २ छोरी रहेका छन् । उहाँको पार्थिव शरिरलाई चितवनमा समाधि गरिनेछ । नेपाली इसाई समुदायमा पनि स्तुति प्रशंसा मण्डलीको महत्वपूर्ण योगदान रहेको छ । उहाँको श्रीमान् पा. अमर थापा सो मण्डलीका संस्थापक पाष्टर हुनुहुन्छ । मण्डलीलाई देशविदेशबाट सान्त्वना पत्र, फोनहरु आइरहेको छ ।

प्रतिविम्बित र बृद्धी कार्यक्रम भब्यताको साथ सम्पन्न

२७ जुलाई २०२० मा ललितपुरस्थित क्वालिटी व्याङक्वेटमा सँग–सँगै सिकौं भन्ने विषयमा एक दिने नेपाली ख्रीष्टियन मिडिया तालिम सम्पन्न भएको छ । सो कार्यक्रममा शुरुको प्रार्थना पा. राजेश पन्तले गर्नुभएको थियो भने संचालनद्धय दिनेश श्रेष्ठ र हिरा खड्गीले गर्नुभएको थियो । कार्यक्रममा डा. विपी खनालले ख्रीष्टियन मिडियाको इतिहासको बारेमा विस्तृत रुपमा चर्चापरिचर्चा गर्नुभएको थियो । उहाँले ख्रीष्टियन मिडिया यहाँसम्म आउनुमा धेरै अग्रजहरुको योगदान बारे बताउनु भएको थियो । साथै ख्रीष्टियन मिडियाहरु धेरै नै अघि बढेको उहाँको ठम्याइ छ ।
संचारकर्मी कुमारसिंह बिष्टले ख्रीष्टियन मिडियाले नेपालमा महत्वपूर्ण भूमिका खेलेको बताउनु भएको थियो । मिडियाले सुसमाचार, चेला निर्माण केन्द्रिय हुनु पर्दछ साथै मण्डलीको हितको लागि कार्य गर्नु पर्ने बताउनु भयो ।

नेपाली ख्रीष्टियन मिडियाको वर्तमान अवस्थाको बारेमा विश्वास थापाले बताउनु भएको थियो । उहाँले नेपाली ख्रीष्टियन मिडियाकर्मी कोष खडा गर्नु पर्ने अवस्था देखेको बताउनु भयो । संचारकर्मी गाह्रो समयमा, विरामी भएमा वा अन्य भैइपरि आउने सम्भावना देख्दै यो कोष गर्नु पर्नेमा जोड दिनुभयो । उहाँले तत्काल १० हजार सो कोष दिने बताउनु भएको थियो ।

सुमित नेपालीले मिडियाकर्मीलाई विभिन्न भिडियो कसरी खिच्ने भनेर सिकाउनु भयो । उहाँले क्यामरा थिच्ने होइन, खिच्ने हुनु पर्दछ भन्ने बताउनु भयो । साथै भिडियो खीच्दा हुने गल्तीहरु र सही कसरी खीच्ने भनेर डेमो देखाउनु भएको थियो । साथै दिनेश श्रेष्ठले मिडियाको अवस्था र खेलेको भूमिकाका चर्चा गर्नुभएको थियो ।

हिरा खड्गीले नेपाली ख्रीष्टियन मिडियाको प्रतिविम्बित र बृद्धी बारेमा प्रष्टसँग सिकाउनु भएको थियो । सँगसँगै कसरी सिक्ने र कसरी अघि बढ्ने भनेर सिकाउनु भएको थियो । बृद्धीको योजना कस्तो हुनुपर्दछ ? हाम्रा गल्ती केके हुन् ? कसरी आफूलाई सुधार गर्दै अघि बढ्ने भन्ने बारेमा प्रष्ट खाका दिनु भएको थियो ।

 

सफल मिडियाकर्मीको संकेतको बारेमा पनि चर्चा गर्नुभएको थियो साथै कसरी गल्तीलाई सुधार्दै फेरी आफ्नो काममा केन्द्रित हुने कुरा सरल प्रकारले सिकाउनु भयो ।

 

 

लाजरस थुलुङद्धारा लिखित जीवनका आँधीबेहरीहरुमा परमेश्वरसँगको घनिष्टतामा हिँड्नु नामक पुस्तक बिमोचन

एक समारोहको बीचमा प्रसिद्ध लेखक तथा बक्ता पा. लाजरस थुलुङद्धारा लिखित जीवनका आँधीबेहरीहरुमा परमेश्वरसँगको घनिष्टतामा हिँड्नु नामक पुस्तक २४ जुलाई २०२० मा गौशालाको एक होटलमा बिमोचन भएको थियो । सो समारोहको संचारकर्मी महिमा भट्टराईले संचालन गरेकी थिएन भने सो पुस्तकको बारेमा डा. महेन्द्र भट्टराई र अधिवक्ता बुद्ध घिसिङले पुस्तकको बताउनु भएको थियो ।
सो पुस्तकको संयुक्त रुपमा बिमोचन रेभ. मंगलमान महर्जन, डा. महेन्द्र भट्टराई, पा. तेज जिरेल, सफल व्यवसायी रामचन्द्र्र तिमोथी, र पा. डिके दानिएलले गर्नुभएको थियो । लगतै रेभ. मंगलमान महर्जनले पुस्तक डेडिकेसनको प्रार्थना गरिदिनुभएको थियो ।
उत्साहको शब्दहरु क्रमश पा.चन्द्र श्रेष्ठ, राजु सुन्दास र धुब्र शिष्यले आफ्नो विचार राख्नुभएको थियो । ध्रुव शिष्यले सामाजिक संचालको प्रयोग गरि भिडियोबाट लाइभ सन्देश दिनुभएको थियो । प्रसिद्ध गायक एड्र्रिन देवान २ वटा गीत जुम सामाजिक संजालको प्रयोग गरि आफनो प्रस्तुति दिनु भएको थियो भने गायिका शुस्मा विश्वकर्माले कति घुँडाहरुको बोलको गीतद्धारा आशिषत बनाइकी थिएन ।

लेखकले २१ औं पुस्तकरुपमा बजारमा ल्याउन पाउदा खुशी व्यक्त गर्नुभएको थियो । उहाले सो पुस्तक बारेमा आफ्नो धारण राख्नुभएको थियो । क्रमश शुरु र अन्तिम प्राार्थना डा. अरविन पोखरेल र पा. वर्णबास श्रेष्ठले गर्नुभएको थियो । सो कार्यक्रम सामाजिक संजालमा लाइभ गरिएको थियो ।

इम्मानुएल नेपाली चर्च, युकेद्वारा खाध्यान्न तथा नगद प्रदान

 अपांग बाल शिक्षा सराेकार केन्द्र बिर्तामोड झापाका बाल बालिकाहरुलाई इम्मानुएल नेपाली चर्च,फक्सटन युकेले खाध्यान्न सहयाेग गर्नुका साथै नगद प्रदान गरेकाे छ। लामाे समयकाे लकडाउनकाे कारण शारीरिकरुपमा अशक्त बालबालिकाहरुलाई खाध्यान्न संकट भएको जानकारी स्थानिय प्रार्थना भवन मण्डली,बिर्तामोडका पाष्टर गंगा अालेले जानकारी गराउनुभए पश्चात युके स्थित नेपाली चर्चले खाध्यान्न सहयाेग पठाएको इम्मानुएल नेपाली चर्च युकेका एल्डर सुबास लिम्बुले बताए ।

“खाध्यान्न अभाव भएको समयमा सम्झेर हाम्राे नानीहरूलाई भाेकभाेकै बस्नबाट बचाई सात डाँडा पारि बाट सहयाेग गर्नुहुने नेपाली चर्च युके परिवारलाई हामी हृदयबाट नमन गर्दछाै।” सहयाेग बुझ्दै अपांग बाल शिक्षा सराेकार केन्द्र, बिर्तामोडका अध्यक्ष कृष्ण देब दुलालले बताउनुभयाे। साे बाल सराेकार केन्द्रमा १४ जना शारीरिक रुपमा अशक्त बालबालिकाले अाश्रयलिई अध्ययन गरिरहेका छन।त्यसैगरी इटहरी, इक्राई,चतरा र धरानका अति विपन्न एकल महिला र शारीरिक रुपमा अशक्त भएका २८ परिवारलाई खाध्यान्न सहयाेग स्वरुप १ बाेरा चामल,दाल,तेल,नुन चिनी,चियापती,न्युटेला,चना र साबुन प्रदान गर्नुका साथै भाेकाहरुलाई निशुल्क भाेजन वितरण कार्यकाे लागि अभियानकर्ता विश्वास थापालाई रू. दश हजार प्रदान गरेकाे छ। यस अघि उक्त चर्चले बिराटनगरका अति विपन्न तथा एकल महिलाकाे ३२ परिवारलाई खाध्यान्न र नगद सहयाेग प्रदान गरेकाे थियाे। “हाम्राे शरिर युकेमा छ तर हृदय नेपालमा, संकटकाे बेला हामी हाम्राे दाजुभाई,दिदीबहिनीहरुकाे साथमा सदा रहनेछाै।” इम्मानुएल नेपाली चर्च,युकेका डिकन तथा समाजसेवी तिल कुमारी (एस्तर)लिम्बुले बताईन। यस खाध्यान्न सहयाेग वितरण कार्यकाे संयाेजन इम्मानुएल कृपा चर्च,धरानका वरिष्ठ पाष्टर रेभ.हिमाल जाेसेफ राईले गर्नुभएको थियाे।

एनसिएफ र एनसिएसद्वारा राहत वितरण:

 

काेभीड-१९काे महामारीको कारण लामाे समयकाे लकडाउनले खाध्यान्न संकटकाे सामना गरिरहेका १०२ परिवारलाई नेपाल राष्ट्रिय मण्डली संगति प्रदेश नं. १ र प्रदेश नं.१ इसाई समाजले संयुक्तरूपमा धरान ख्रीष्टियन समाजद्वारा सामाजिक दुरी कायम राख्दै राहत वितरण गरेकाे छ। धरानका २०वटा मण्डलीका अति विपन्न परिवारलाई पहिलाे चरणमा राहत प्रदान गरिएको समाजका अध्यक्ष रेभ.शामुयल राईले बताउनुभयाे। हामी क्रमश:धरानमा भएको मण्डलीका अति विपन्न परिवारलाई राहत वितरण गर्दै जानेछाै राहत वितरण कार्यक्रममा प्रदेश नं.१ इसाई समाजका महासचिव पा.मेहरमान ह्युज गिरीले बताउनुभयाे। धेरै दिनकाे लकडाउनकाे कारणले कमाएर परिवारलाई धान्न गाराे भएकाे अवस्थामा याे राहतले ठुलो गुन लगाएकाे नव जीवन चर्च,धरान-१२का टेम्पाे चालक बीर बहादुर मगरले खुशी हुदै बताए । “के खाने हाेला भनेर प्रार्थना गरिरहेकाे बेला परमेश्वरले यसरी जुटाउनुभयाे। हाम्राे परमेश्वर यहाेवा यिरे हुनुहुन्छ।” चामलकाे बाेरामा नाम्लाे कस्दै धरान-१५ गणतन्त्र टाेल निवासी नानी माया बिकले बताईन। राहत स्वरुप १ बाेरा चामल,दाल र तेल उपलब्ध गराएकाे एन सि एफ र एन सि एसकाे संयुक्त प्रकाेप राहत सेवा समितिका प्रदेश १ संयाेजक तथा नेपाल राष्ट्रिय मण्डली संगतिका केन्द्रिय सहसचिव रेभ.हिमाल जाेसेफ राईले जानकारी दिनुभयाे। अाउदाे दिनहरुमा रेड जाेनमा परेकाे प्रदेश नं.१का विभिन्न स्थानहरुमा राहत वितरण कार्य गर्दै जाने रेभ.राईले बताउनुभयाे। राहत वितरण कार्यमा नेपाल ख्रीष्टियन समाजका सचिव रेभ.कुबेर गुरुङज्युकाे पनि सहभागीता रहेकाे थियाे।

निशुल्क खाना खुवाउने अभियानमा मण्डलीले साथ दिदैं

बैशाख/महामारी रोग कोरोनाबाट बच्न नेपाल सरकारले गरेको लडाउन अवधि करिब दुई महिना पुग्नै लागेको छ । लडाउनको कारण दैनिक काम गरेर आफ्नो खर्च धान्ने मज्दुरहरु बढी मारमा परेका छन् ।
यस्तो जटिल अबस्थामा एक समाजसेवी ब्यक्तित्व तुलसी श्रेष्ठले काठमाडौंमा निशुल्क खाना खुवाउने अभियान सुरु गर्नुभएको छ । अभियन्ता तुलसी श्रेष्ठका अनुसार अभियानमा निशुल्क खाना खुवाउन थालेको १४ दिन पुगेको र आफूले सुरु गरेको अभियानमा धेरै ब्यक्तिको साथ र सहयोग जुट्न थालेको बताउनु भएको छ ।
अभियन्ता तुलसी श्रेष्टले अहिलेसम्म ११सय जनालाई राहात वितरण गर्नुभएको , र दिनमा ४०० जनालाई निशुल्क खाना खुवाउदै आएको जानकारी दिनुभएको छ । उहाँको यो अभियानमा साथ दिन धेरै व्यक्तित्वहरु जुटिरहनु भएको छ । हाल यो सेवा काठमाण्डौं र ललितपुरका बिभिन्न १२ स्थानहरुमा उपलब्ध गराइरहेको छ तथा बिर अस्पताल र ट्रमा सेन्टरमा पनि मिती बैसाख २३ गते बाट खाना उपलब्ध गराइने जानकारी अभियान्ता श्रेष्ठले दिनुभएको छ ।
यसैगरी अभियानलाई सफल पार्न इम्मानुयल कृपा चर्च १५ धरानले यस्तो जटिल प्रस्थितिमा भोकलाई भोजन जुटाउने असल अभियानमा सबै लाग्नु पर्छ भन्दै अभियानको लागि  सात हजार सहयोग गरेको छ । ईम्मानुयल कृपा चर्चको तर्फबाट अभियानमा खटिरहनु भएका सबै संवयसेवकहरुलाई पनि धन्यवाद दिनु भएको छ । साथै बिश्वभरि छरिएर रहेका सम्पुर्ण मण्डलीहरुलाई ईम्मानुयल कृपा चर्चका रेभ.पा. हिमाल रार्ई ज्यूले यो महामारीमा आर्थिक सहयोग निम्ती सबैमा अपिल समेत गर्नुभएको छ ।
बिस्तृत जानकारीको लागी तुलसी श्रेष्ठ : ९८६३३२२७९३

विषम परिस्थितिमा चर्चको अग्रगामी सेवा देशले खोजिरहेको छ 

कोरोना भाईरस ९ कोविड(१९० ले आज विश्वलाई दोस्रो विश्व युद्ध पछिको ठुलो चुनौती दिइरहेको यस भयाबह अवस्थामा२०३ राष्ट्रका दशौँ लाख मानिसहरु प्रत्यक्ष रुपमा प्रभावित भएको , पचासौं हजार मानिसहरु हताहत भएको अनि मानव जीवनलाई नै कैदमा पारिरहेको यस अकल्पनीय महामारीको चपेटामा हामी सबै परिरहेका छौं क्ष् आफ्नोविकासले विश्वलाई सिंगारी रहेको मानवले आज नतमस्तक भएर एउटा कोरोना भाईरसको डर ,त्रास अनि खतराको एवम् मृत्युको घन्टीलाई अनुभव गरे जस्तो गरी आफ्ना दैनिक चालचलन र व्यस्तता हरुलाई “यदि ।।।भएमा पछि विचार गरौंला भनेर लक –डाउनमा बस्न बाध्य भएका छौं क्ष् हाम्रो योजना, दैनिकी, भविस्य, अनि समग्र देशको भाग्य , नेपालीको खुशी ९ विश्वकोसमेत० विकास, सम्बृद्धि , आधुनिकता अनि विज्ञानको चमत्कार सबै आज यो समय सम्म एम्बुसमा परेको अवस्था छ क्ष् हामी हाम्रो खुशीलाई खोज्न फेरी बाहिर कहिले जान पाइने हो प्रश्न अनुत्तरित नै छ क्ष् यो अवस्थाको जिम्मेवारी आज सम्म कहिँ कतै बाट लिएको देखिदैन , किनभने मानिसले आफ्नो योजनामा यो गरेको भए दोषीलाई भेट्न सकिने थोयो तर यसमा त दोषी कोरोना भाईरस हो जसलाई आज विश्व(सत्रुमानिन्छ तर कसैले चिन्न सकेको छैन र रातदिन विज्ञहरु खटिरहदा पनि उपचारको अर्थात् कोरोनालाई शान्त पार्ने औषधी बन्न सकेको छैन क्ष् तीन महिनामा दशौँ लाखलाई प्रभाव पार्न सक्ने यो ग्लोबल –सत्रुलाईहराउनेचमत्कारिक औषधी त पत्ता लाग्ने नै छ क्ष् यो हामी सबै मानव जातीको तिब्र अपेक्षा हो क्ष्
यस महामारीको अवस्थालाई न्यूनीकरण गर्ने अथवारोकथामका उपायहरुको नियमन र लागु गर्ने , रोग निदान भएका मानिसहरुको तिब्र गतिमा उपचार र हेरचाह गर्ने र यसबारे समग्र मानवलाई सचेतीकरण गर्ने जस्ता कार्यक्रमहरु हाम्रो देशमा संचालित छन्क्ष् सरकारले चीनको स्थितिलाई मध्यनजर गरी सिमा लक गर्ने , भिजिट नेपाल खारेज गर्ने, उडान( हरुमा ख्याल गर्ने , जनतालाई सुसुचित गर्ने अनि विगत ११ दिनदेखि नै मुलुकमा लक( डाउन गर्ने , प्रदेश स्तरमा क्वारेन्टाईनको व्यवस्थापन गर्ने , जिल्ला स्तरमा समेत विरामी सर्च र तुरुन्तै उपचारमा ल्याउन पहल गर्ने , देशका अरु स्थानहरुमा पनि ल्याब स्थापना गर्ने , स्थानीय सरकारले टोल( टोलमा किटनाशक औषधी छर्कने , मास्क वितरण गर्ने जस्ता कार्यक्रमहरुको कदर गर्नै पर्दछ र संकटा(सन्न अवस्थामा सरकारले भर( मग्दुर प्रयास र तयारी पनि गरि रहेकोले अब यस प्रयासमा देशका सबै संघ, संस्था र धार्मिक अनुष्ठानहरुले पनि आफ्नो क्षेत्रबाट सेवा गर्ने पहल गर्नु र सरकार संगै हातेमालो गर्नु अति आवश्यक छ क्ष्
यस सन्त्रास र डर अनि विषम परिस्थितिलाई मध्यनजर गर्दै नेपाली चर्चले पनि सरकारलाई सहयोग गर्ने दायित्त्व वहन गर्नु पर्दछ क्ष् चर्चले मानिसहरुलाई सहयोग गर्दछ , दुखको बेला हेर्दछ अनि संकटको समयमा राहत दिन्छ भन्ने सत्यतालाई चरितार्थ गर्न र परमेश्वरको आज्ञालाई पालन गर्न तुरुन्तै प्रभावकारी राहत सेवा संचालन गर्नु पर्दछ क्ष् किनभने हरेक चर्चका सदश्यहरुले आफ्नो आस्थाको केन्द्र चर्चलाई मान्दछन अनि पहिलो राहतको घर मान्दछन क्ष् परमेश्वरको बचनले पनि मण्डली अथवा चर्चलाई आदेश गरेको छ जुन परमेश्वरको आज्ञा हो क्ष्मत्ती२५स् ३५(४२मा स्पस्ट आज्ञा छ , नहुने हरुलाई खान देउ, गरिबहरुलाई सहयोग गर , नाङ्गाहरुलाई लुगा देओ, विरामीलाई भेट गर , जेलमा हुनेहरुलाई गएर हेर, विधवा, टुहुरा –टुहुरीहरुलाईखुवाओक्ष्
विशेषगरी नेपालमा रहेका मेन लाइन चर्चहरु , सम्प्रदाय प्रदत्त संस्थाहरु , इसाई संघ (संस्था हरु, चर्च समूहहरु लगायत सबै एक ठाउमा आएर देशका लागि केहि गर्ने र सरकारलाई सहयोग गर्ने , राहत प्याकेज तयार गरी तुरुन्त मानिसहरुको तडर र त्रसित , अभावको समयमा दिन सकेमा चर्चको महत्व र यसको गरिमा पनि समग्र समाजले अनुभूति गर्ने थियो क्ष्
यो समय भनेको कसले इसाइलाई के भन्यो , कसरीआलोचना गर्यो , मण्डलीलाई कसरी सातवट गर्यो भन्ने कुनै पनि बैरभाव राख्ने नभै परमेश्वरले दिनु भएको सेवा आदेशलाई पालना गर्दै नेपालमा चर्चको सेवाभाव उपस्थिति नै अहिलेको सबै भन्दा ठूलो आवश्यकता हो यसलाई सम्बन्धितसबैले आत्मसाथ गरौँ भन्ने अनुरोध छ क्ष्
(केपी अधिकारी , ललितपुर

 

 

कोरोना भाइरस (कोभिड १९) को विपत्ति वा महामारी

रेभ डा बाल कृष्ण शर्मा
आज विश्व कोरोना भाइरस महामारीको चपेटामा परेको छ । जताततै मानिसहरूमा त्रास छ र आजसम्म विश्वका करीब आधा जनसंख्या लकडाउनका कारण आफ्नै घरभित्र बस्नुपर्ने बाध्यता रहेको छ । कतिपय देशहरूले २१ दिनको लकडाउन वा बन्दको घोषणा गरेका छन् भने कतिपय देशहरूमा अनिश्चितकालिन लकडाउन छ । कतिपय मानिसहरूले यस सम्बन्धमा केही बुझेका छन् र अरू कतिपयले यसलाई त्यति बुझेका पनि छैनन् । नेपालले पनि एक हप्ताका लागि लगाएको लकडाउन बढाएर २५ चैत २०७६ सम्मका लागि कायम गरेको छ । सबै यातायात ठप्प छ र मानिसहरू सबै घरभित्र नै बस्नुपर्ने बाध्यता छ । नेपालको इतिहासमा र भनौँ विश्वको इतिहासमा यस किसिमको लकडाउन पहिलो हुनसक्छ ।
चीनको युवान शहरबाट गत डिसेम्बरमा शुरू भएको यो महामारी अहिलेसम्म विश्वका सबै देशहरूमा पुगिसकेको छ र कतिपय देशहरूमा संक्रमणको अवस्था जटिल छ र मृतकहरूको संख्या पनि बढिरहेको छ भने कतिपय देशहरूमा केही व्यक्तिहरू संक्रमित भइरहेका छन् र केही व्यक्तिहरूको मृत्यु भएको छ । अन्य केही देशहरूमा संक्रमितको संख्या थोरै छ र मृत्यु भएको छैन । यस किसिमका देशहरूले पनि सावधानी अपनाउनका लागि लकडाउनको घोषणा गरेका छन् । केही देशहरूमा संक्रमितहरूलाई गरिनुपर्ने उपचारमा जनशक्ति र स्वास्थसामाग्रीहरूका कारण अस्तव्यस्तताको अवस्था सृजना भएको छ । आजसम्मको अवस्था हेर्दा युरोप र अमेरिकामा यो महामारी अत्याधिक किसिमले फैलिरहेको छ । एशियाका धेरै देशहरू पनि यस महामारीको जोखिममा छन् भनी विश्व स्वास्थ संगठनले अनुमान गरेको छ । दक्षिण एशियाका नेपालसहित अन्य राष्ट्रहरूले पनि लकडाउन गरेका छन् । यसले सामान्य जनजीवनमा असर पारिरहेको छ । कतिपय ठाउँहरूमा मानिसहरूका आधारभूत आवश्यकताहरू पनि पूरा हुनसकेका छैनन् र दैनिक काम गरेर खानाको जोहो गर्नेहरूले थप संकट मोल्नुपरेको छ । यस लकडाउनका कारण विश्वको अर्थतन्त्र पनि एक हदसम्म तहसनहस भएको छ । पश्चिमी मुलुकमा पनि मानिसहरूले आफ्ना काम गुमाएका कारण रोजीरोटी गुमेको छ र सरकारले केही राहतको घोषणा गरेको छ । अन्य मुलुकहरूले पनि अवस्थाअनुसार आफ्ना नागरिकहरूलाई केही राहतका योजनाहरू घोषणा गरेका छन् । यस महामारीले विश्वलाई आक्रान्त पारेको छ ।
नेपालमा अहिलेसम्म पाँच जनामा कोरोना भाइरसको संक्रमण देखिएको छ । एक जनाको जनवरीमा नै उपचार भई निको भएको र अरूहरू पनि निको हुने क्रममा छन् । नेपालमा कोरोना भाइरसका कारण अहिलेसम्म कसैको पनि मृत्यु भएको छैन । नेपाल सरकारले कोरोना भाइरसको रोकथामको लागि सकेसम्म आफ्नो प्रयास जारी राखेको छ ।
यस लेखमा म बाइबलमा उल्लेख भएका विपत्तिहरू, विश्वव्यापी रूपमा भएका महामारीहरू, यसले मानवजातिमाथि ल्याएको विनाश, अर्थ तहस नहस, यसबाट मानवजातिले सिक्नुपर्ने पाठ र बाइबलीय दृष्टिकोणलाई पनि विश्लेषण गर्ने कोशिश गर्नेछु ।
बाइबलमा विपत्ति शब्द करीब १२० पल्ट विभिन्न पुस्तकहरूमा उल्लेख भएको छ । प्रस्थानको पुस्तकमा उल्लेख गरिएका १० वटा विपत्तिहरू मिश्रदेशमा भएका थिए । फारो राजाको ह्रदयको कठोरताको कारण ती विपत्तिहरू आएका थिए भनी बाइबलले उल्लेख गरेको छ । इस्राएलीहरूमाथि पनि विभिन्न समयमा विपत्तिहरू आएका छन् र परमेश्वरका जनहरूका मध्यस्थताका प्रार्थनाद्वारा कतिपल्ट ती रोकिएका थिए भने कतिपल्ट ती विपत्तिहरू पूरा भए । परमेश्वरको सार्वभौम इच्छालाई हामी बुझ्न सक्दैनौँ र हामीले यसलाई स्वीकार गर्नुपर्छ ।
परमेश्वरले मानव जातिलाई मात्र आफ्नै स्वरूपमा सृष्टि गर्नुभयो । उसमा ज्ञान र बुद्धिको क्षमता राखिदिनुभयो । उसमा स्वतन्त्र इच्छा राखिदिनुभयो । मानवको सृष्टि भएको बेलामा उसमा कुनै पाप, रोग, अन्याय, अत्याचार जस्ता खराब र दुष्ट कुराहरू थिएनन् । तर मानवको सृष्टि हुनुभन्दा पनि पहिले परमेश्वरले स्वर्गदूतहरूलाई सृष्टि गर्नुभएको थियो । स्वर्गदूतहरूको संख्या यति नै छ भनी हामीलाई थाहा नभए पनि तिनीहरूको संख्या लाखौँमा छ भनी बाइबलले हामीलाई बताएको छ । ती स्वर्गदूतहरू स्वर्गदूतहरूका सन्तानहरू नभएर तिनीहरू एकैपल्ट सृष्टि गरिएका प्राणीहरू थिए । माइबल, गब्रिएल र लुसिफर मुख्य दूतहरू थिए । तिनीहरूको मुख्य काम परमेश्वरको सेवा गर्नु र स्तुति प्रशंसा गर्नुथियो । तर लुसिफरले परमेश्वरको सेवा गर्न नचाहेको र परमश्वरप्रति अनाज्ञाकारी भएको हुनाले ऊ परमेश्वरको सिँहासनबाट फालियो र उसले आफूसँग एक तीहाइ दूतहरू लिएर तल पृथ्वीमा झर्यो । यसरी यस संसारमा दुष्ट र दुष्टताको शुरू भयो । परमेश्वरले स्वर्गदूतलाई असल बनाउनुभएको थियो तर उसको अनाज्ञाकारिताको कारण ऊ अब परमेश्वरको विरोधी बन्नपुग्यो । त्यसबेलादेखि आजसम्म असल स्वर्गदूतहरूको काम परमेश्वर र मानिसहरूको सेवा गर्नु हो भने दुष्ट दूतहरूको काम परमेश्वर र मानवको विरोध गर्नु हो । त्यसले परमेश्वरलाई सीधै आक्रमण गर्न नसक्ने भएको हुनाले परमेश्वरको स्वरूपमा सृष्टि गरिएको मानवलाई विभिन्न किसिमले आक्रमण गर्न सक्ने भयो ।
परमेश्वरले मानवलाई सृष्टि गर्नुहुँदा उसलाई दिइएको स्वतन्त्र इच्छालाई मानिसले गलत किसिमले प्रयोग गर्यो र उसले दुष्टको आज्ञा पालन गरेको हुनाले यस पृथ्वीमा एक दम्पत्तिबाट पाप शुरू भयो । त्यो पाप विभिन्न व्यक्तिहरू र पुस्ताहरूमा फैलँदै गयो । मानवले गरेका पापको असर व्यक्तिगत, पारिवारिक, सामाजिक, राष्ट्रिय र अन्तर्राष्ट्रिय हुन्छ । कसैको गल्तीको असर गल्ती गर्नेसँग मात्र सीमित हुँदैन तर त्यसको कारण अरूहरूले दुःख पाउँछन् । अन्धकारको शक्तिको उद्देश्य सम्पूर्ण मानवजातिलाई दुःख दिनु हो र त्यसले विश्वमा त्यो कार्य गरिरहेको छ । बाइबलले बताएको छ कि दुष्टको अन्तिम दिन आउनै लागेको हुनाले त्यसले मानवलाई आफ्नो कब्जामा पार्नका लागि हर किसिमको तरिका अपनाइरहेको छ ।
सारा विश्वका सृष्टिकर्ता पूर्ण पवित्र हुनुहुन्छ र दुष्टचाहिँ पूर्ण पापी छ र मानवचाहिँ कहिले असल काम गर्छ र कहिले खराब काम गर्छ । त्यसैले ऊ परमेश्वर वा दुष्टको भाँडो बन्नसक्छ । मानव परिवर्तनशील छ । परमेश्वर परिवर्तन हुनसक्नुहुन्न र शैतान वा दुष्ट पनि कहिल्यै परिवर्तन हुँदैन । मानवले आफ्नो स्वतन्त्र इच्छा कित परमेश्वरको महिमाको निम्ति प्रयोग गर्न सक्छ कित दुष्टको इच्छा पूरा गर्नका लागि प्रयोग गर्नसक्छ । त्यो छान्ने अधिकार मानवमा निहित रहेको छ । परमेश्वरलाई पछ्याउनका लागि आफ्नो स्वतन्त्र इच्छा प्रयोग गर्यो भने ऊ परमेश्वरसँगको अनन्ततामा प्रवेश गर्छ र दुष्टको इच्छा पूरा गर्यो भने दुष्टसँगको अनन्ततामा त्यो प्रवेश गर्छ । अनन्तसम्म कहाँ रहने भन्ने निर्णय मानव आफैले गर्नुपर्छ । मानवजातिलाई अगुवाइ गर्नका लागि परमेश्वरले आफ्नो वचन बाइबल हामीलाई दिनुभएको छ र यसका शिक्षाहरू र नैतिकताहरू पालन गर्नका लागि उसलाई आह्वान् गरिएको छ ।
जब हामी विश्वमा बेला बेलामा आउने महामारीहरू र हरेक दिन हुने दुःखकष्टका बारेमा विचार गर्छौँ, संम्पूर्ण मानवमा यस बारेमा प्रश्न उठ्नेगर्छ । असल परमेश्वरले कसरी यी दुःखकष्टहरू पठाउनुभई मानवलाई पीडा दिनुहुन्छ ? उहाँले यस्ता खराब कुराहरूलाई रोक्नुपर्ने थिएन र ? भन्ने जस्ता प्रश्नहरू मानवजातिले गर्नेगर्छ । यसका कारण धेरै मानिसहरू परमेश्वरसँग क्रोधित हुन्छन् र उहाँको अश्तित्वमा नै प्रश्न गरी उहाँबाट टाढा हुन्छन् । तर बाइबलले हामीलाई यी पीडाहरूका बारेमा के बताउँछ सो कुरा म यहाँ विश्लेषण गर्न चाहन्छु ।
हामीलाई थाहा छ परमेश्वर असल हुनुहुन्छ र उहाँले कहिल्यै कसैको कुभलो चाहनुहुन्न । सबै मानवजाति आनन्दित भएको र उहाँसँग संगति गरेको चाहनुहुन्छ । कसैका दुःखमा परमेश्वर प्रसन्न हुनुहुन्न । परमेश्वरले मानवलाई स्वतन्त्र इच्छासाथ सृष्टि गर्नुभएको हुनाले उससँग छान्ने स्वतन्त्रता छ र उसले पाप गरेपछि पनि उहाँले त्यो स्वतन्त्र इच्छ उसबाट खोसेर लानुभएन र अहिले सम्पूर्ण मानवजातिले यसको अभ्यास गरिरहेका छन् । मानवसँगको सम्बन्धमा परमेश्वरका दुईवटा इच्छाहरू छन्, स्वीकृत इच्छा र अनुमति इच्छा । परमेश्वरको स्वीकृत इच्छा भन्नाले हाम्रो जीवनसँग उहाँ प्रसन्न हुनुहुन्छ र हामीले उहाँका इच्छाअनुसार काम गर्दा यसले परमेश्वरको महिमा हुन्छ । उहाँको अनुमति इच्छाचाहिँ हामीले गरेका खराब कामहरूमा उहाँ खुशी हुनुहुन्न तर हाम्रो कठोरताको कारण उहाँले हामीलाई हाम्रो खुशीअनुसार जिउनका लागि छोडिदिनुहुन्छ । यसरी मानवले परमेश्वरको विरूद्धमा जिएको हुन्छ तर उहाँ त्यसमा प्रसन्न हुनुहुन्न । उहाँले मानवहरूमाथि दुःखकष्ट र विपत्ति आउने अनुमति दिनुहुन्छ तर त्यो पठाउनुहुँदा उहाँ प्रसन्न हुनुहुन्न । उसलाई चेतावनी दिन र उहाँमा फर्कनका लागि उहाँले आह्वान् गर्नुभएको यो एक तरीका हो । मानवजाति एक अर्कासँग अति नै निर्भर भएको हुनाले आफ्नो पाप वा अरूहरूका पापका कारण पनि मानवले कष्ट भोग्छ । हाम्रो जीवन यस पृथ्वीमा छोटो छ र यस जीवनमा परमेश्वरको स्वीकृत इच्छा हामीले खोज्नैपर्छ । कसैको मृत्युमा पनि परमेश्वर खुशी हुनुहुन्न तर आज भइरहेको कोरोना भाइरसको महामारीले विश्वलाई परमेश्वरमा फर्काउनेछ भन्ने हाम्रो आशा छ ।
विश्वमा यस किसिमका विपत्तिहरू विभिन्न समयमा भएका छन् र यो पहिलो विपत्ति होइन । यस पृथ्वी रहुञ्जेल र परमेश्वरको अनन्त राज्य वा शान्तिको राज्य स्थापना नहोउञ्जेल संसारले यी विपत्तिहरूको सामना गर्नैपर्ने हुन्छ ।
बाइबलमा उल्लेख भएका विभिन्न विपत्तिहरूका साथसाथै विश्वमा विभिन्न युगमा भएका विपत्ति वा महामारीका बारेमा अब हामी संक्षिप्तमा हेरौः
१. बाइबलमा उल्लेख भएका विभिन्न विपत्तिहरू ।
२. अथेन्सको महामारी, इसा पूर्व ४३० देखि ४२६ मा । युद्धको समयमा आएको टाइफाइड जरोको महामारीले अथेन्सका एक चौथाइ सिपाहीहरू र एक चौथाइ जनसंख्याको विनाश भएको थियो ।
३. एन्टोनिन महामारी, इस्वी सम्बत १६५ देखि १८० मा । इटालीको फैलिएको बीफरले संक्रमण भएका एक चौथाइ सिपाहीहरू मरे सबै जनसंख्या गरी करीब पचास लाख मानिसहरूको मृत्यु भएको थियो । रोममा हरेक दिन पाँच हजार मानिसहरूको मृत्यु हुने गरेको थियो ।
४. जस्टिनियन महामारी, इस्वी सम्बत २४१ देखि २६६ मा । यो एक किसिमको फ्लुजस्तो रोग हो र यो व्याक्टेरिबाट फैलिएको थियो र शुरूमा जरो, टाउको दुख्ने, बान्ता हुने र पछि यसले शरीरका अङ्गहरूलाई आक्रमण गरी मृत्यु गराउँथ्यो । कुनै जङ्गली पशुबाट सरेको रोग थियो । यो मिश्रदेशबाट शुरू भई कन्सटनओपलमा पुगेको थियो र हरेक दिन करीब दश हजार मानिसहरूको मृत्यु हुनेगर्थ्यो । यसका कारण करीब ४० प्रतिशत जनताहरूको मृत्यु भयो र युरोपसम्म फैलिएको हुनाले युरोपका करीब ५० प्रतिशत मानिसहरूको मृत्यु भयो ।
५. ब्लाक डेथ वा कालो मृत्यु महामारी, इस्वी सम्बत १३३१ देखि १३५३ मा । यस महामारीबाट विश्वभरि करीब ८ कोरोड देखि २० करोड जति मानिसहरूको मृत्यु भएको थियो । यो महामारी एशियाबाट शुरू भई युरोपसम्म पुग्यो र छ वर्षको अवधिमा २ देखि ३ करोड मानिसहरूको मृत्यु भयो । एक तीहाइ मानिसहरूको मृत्यु भएको थियो । शहरी क्षेत्रमा भने करीब आधा जनसंख्याको मृत्यु भएको थियो । यसपछि पनि युरोपमा विभिन्न समयमा १०० वटा जति महामारीमा मानिसहरूको मृत्यु भएको थियो । इस्वी सम्बत १६६५ देखि ६६ सम्म लन्डनमा भएको महामारीमा करीब एक लाख मानिसहरूको मृत्यु भएको थियो र यो लन्डनको जनसंख्याको २० प्रतिशत थियो ।
६. तेस्रो महामारी, इस्वी सम्बत १८५५ मा चीनमा शुरू भयो र यो भारतमा पनि फैलियो र त्यहाँ १ करोड मानिसहरूको मृत्यु भयो । अमेरिकामा यो महामारी १९०० र १९०४ का बीचमा फैलियो ।
७. स्पानिस फ्लु महामारी, इस्वी सम्बत १९१८ देखि १९२० मा । यसले विश्वभरका ५० करोड मानिसहरूलाई संक्रमित गरेको थियो भने करीब ५ करोड देखि १० करोडको बीचमा मानिसहरूको मृत्यु भएको थियो । यस फ्लुले अति जवान र अति बुढाबुढीहरूमाथि आक्रमण गरी मृत्यु गराएको थियो । यस महामारीमा पहिलो विश्वयुद्धमा भन्दा बढी मानिसहरूको मृत्यु भएको थियो । सिपाहीहरूका बीचमा पनि यो अति नै तीब्र रूपमा फैलियो र उनीहरूबाट विश्वका विभिन्न देशहरूमा पुग्यो । यो महामारीमा भारतमा करीब १ कोरोड ७० लाख मानिसहरूको मृत्यु भयो भने अमेरिकामा करीब ७ लाख मानिसहरूको मृत्यु भयो । बेलायतमा करीब २ लाख मानिसहरू मरे ।
८. एशियन फ्लु १९५७ देखि ५८ मा देखा परेको थियो । यो चीनबाट शुरू भयो र यसमा करीब २० लाख मानिसहरूको मृत्यु भयो । अमेरिकामा करीब ७० हजार मानिसहरूको मृत्यु भएको थियो ।
९. हङ्गकङ्ग फ्लु १९६८ देखि ६९ मा देखा परेको थियो । यसबाट करीब १० लाख मानिसहरूको मृत्यु भएको थियो ।
१०. स्वाइन फ्लु २००९ देखि २०१० मा शुरू भएको थियो । यो सबैभन्दा पहिले मेक्सिकोमा देखिएको थियो र पछि अमेरिका लगायत अन्य देशहरूमा पुग्यो । यसबाट करीब ५ लाख मानिसहरूको मृत्यु भएको थियो ।
११. त्यसैगरी सार्स र इबोला पनि महामारीका रूपमा फैलनबाट रोकिएका थिए र यसका कारण पनि धेरै व्यक्तिहरूको मृत्यु भएको थियो ।
१२. कोरोना भाइरस वा कोभिड १९ डिसेम्बर २०१९ देखि आजसम्म यो महामारी विश्वका सबै देशमा देखिएको छ र यसबाट अहिलेसम्म झण्डै ७ लाख मानिसहरू संक्रमित भएका छन् भन् ३५ हजार भन्दा बढीको मृत्यु भइसकेको छ । यसलाई महामारीको रूपमा घोषणा गरिएको छ । चीनमा शुरू भएको यो रोग अहिले मुख्य गरी युरोप र अमेरिकामा तीब्र रूपमा बढिरहेको छ । अरू देशहरूमा पनि बढिरहेको छ ।
विभिन्न युगमा यस किसिमका महामारी मानिसहरूमा आउने कुरा नौलो होइन भन्ने कुरा हामीले माथिको विवरणबाट केही हदसम्म भए पनि बुझेका छौँ । अब यसबाट हामी मानवजातिले सिक्नुपर्ने कुराचाहिँ के हो भन्ने बारेमा हामी विचार गरौँ र मलाई लाग्छ यसले हामीलाई मानवको सीमितपन बुझ्न र हाम्रो शरणस्थान कुनै देश, धनसम्पत्ति, शक्ति, मानइज्जत, शिक्षा, विकास होइन तर परमेश्वर हुनुहुन्छ भन्ने पाठ सिकाउँछ ।
परमेश्वरको वचन बाइबलले हामीलाई यस पृथ्वीमा हुने मानवको क्षणिक अस्तित्वको बारेमा स्पष्ट पारेको छ । हामी सधैँ यस पृथ्वीमा बाँचिरहँदैनौँ र शारीरिक रूपमा कुनै दिन हाम्रो मृत्यु अपरिहार्य छ । तर यस पृथ्वीमा परमेश्वरले हामीलाई दिनुभएको जीवन उहाँको वरदान हो र यसलाई हामी परमेश्वरको महिमा र एक अर्काको सेवाको निम्ति प्रयोग गर्नुपर्छ । परमप्रभु परमेश्वर नै हाम्रा शरणस्थान हुनुहुन्छ र उहाँबाहेक हाम्रो अस्तित्व छैन भनी हामीले बुझ्नुपर्छ । पृथ्वीमा बेलाबेलामा आउने यी विपत्तिहरू परमेश्वरको स्वीकृत इच्छाबाट नभएर उहाँको अनुमति इच्छा अन्तरगतका हुन् र यस्ता विपत्तिमा उहाँ खुशी हुनुहुन्न तर यसले मानिस को हो र ऊ कति धेरै सीमित छ भन्ने कुरा बुझोस् भनी उहाँ चाहनुहुन्छ ।
आज विश्व पापले भरिएको छ । यहाँ यति धेरै अनैतिकता बढेको छ सो भनेर साध्य छैन । मानवले आफैलाई परमेश्वर बनाएर हिडेको अवस्था छ । मानवले आफ्नो आविष्कारमा र उपलब्धिमा घमण्ड गरेको छ र उसले त्यसो गर्नु मुर्खता हो भनी परमेश्वरले उसलाई बताउनुहुन्छ । मानप चन्दमामा पुग्नसक्छ तर एउटा भाइसरको ‍औषधि बनाउन सक्दैन । यो उसको सीमितपनको उदाहरण हो । परमेश्वरले विश्वलाई पश्चाताप गर्नका लागि आह्वान गरिरहनुभएको छ र त्यो आवाज मानवजातिले सुन्नुपर्छ । यस्तो क्षणमा प्रभु येशूमा विश्वास गर्नेहरूले अझ धेरै उहाँमा भरोसा राखी विश्वको चंगाइ र पुनर्स्थापनाको लागि प्रार्थना गर्नुपर्छ । कसैका दुखमा परमेश्वर कहिल्यै रमाउनुहुन्न त्यसैगरी हामी विश्वले भोगिरहेको दुखमा रमाउनुहुँदैन तर उनीहरूसँग पीडाको अनुभूति गर्दै उनीहरूका चंगाइ र परिवर्तनका लागि प्रार्थना गर्नुपर्छ । विभिन्न राष्ट्रका शासकहरूका लागि पनि प्रार्थना गर्नुपर्छ र उनीहरूले आफ्ना प्रयासमा गरिरहका कुराहरू सम्भव छैनन् र जीवित परमेश्वरको सहायता उनीहरूलाई चाहिन्छ भन्ने चेतना उनीहरूमा आओस भनी हामीले प्रार्थना गर्नु आवश्यक छ । हामीले आत्मिक युद्ध गर्नैपर्छ र यस दुखको अवस्थाले आगामी दिनमा मानिसहरू परमेश्वरमा फर्कनेछन् र ठूला जागृति आउनेछन् भन्ने विश्वासका साथ हामीले प्रार्थना गर्नैपर्छ । मानवजाति जताततै पीडामा छ र त्यो पीडाबाट परमेश्वरले छुटकारा दिऊन् भन्ने हाम्रो प्रार्थना छ । हाम्रो शरणस्थान कुनै देश वा जाति वा धन वा शक्ति होइन तर परमेश्वर नै हुनुहुन्छ भन्ने पाठ हामी सिकौँ र उहाँको नजीक जाऔँ । हाम्रा सबै घमण्ड, रीस, वैमनस्यता, तीतोपना, घृणालाई त्यागौँ र सबैका लागि प्रेम र सेवाको ह्रदय निर्माण गरौँ । सबैका लागि मेरो प्रार्थना यही छ । धन्यवाद ।