Category: News

स्वर्गीय एस्तर थापाको श्रद्धाञ्जली सभा

ललितपुरको सातदोबाटोस्थित स्तुति पशंसा मण्डलीका पा. अमर थापाका धर्मपत्नी स्वर्गीय एस्तर थापाको आज अन्तिम विदाई तथा श्रद्धाञ्जली सभा भयो । उहाँ २०७७ साउन ९ गते शुक्रबारको दिन विहान १०ः३० बजे प्रभुमा सुत्नु भएको थियो । उहाँको जन्म वि.सं. २०२२ कार्तिक १६ गतेका दिनमा भएको थियो । ५५ वर्षको उमेरमा उहाँ अनन्तको घरमा प्रवेश गर्नु भएको छ । उहाँ प्रभुमा सुत्नु भएको एक हप्ता पछि आज श्रद्धाञ्जली सभा भयो ।
सोही मण्डलीका एल्डर डेविट लेप्चाले परमेश्वरको वचनबाट सान्त्वना दिनुभएको थियो । उहाँले सच्चा गुरुआमाको भुमिका खेलेर स्वर्ग जानुभयो । परमेश्वरको वचनले हामीलाई मलमपट्टीको काम गर्दछ । हामीसँग जिउँदो आशा रहेको छ ।

विभिन्न व्यक्तिहरुले उहाँको बारेमा बताउनु भयो । उहाँको श्रीमान् पा. अमर थापाले आमापछि दोस्रो आमा रुपमा माया, प्रेम, वास्ता गरेको बताउनु भयो साथै स्तुति प्रशंसा मण्डली यहाँसम्म आउन उहाँको अतुलनिय योगदानको चर्चापरिचर्या गर्नुभएको थियो ।

स्वर्गीय थापाले क्यान्सर रोगको उपचार गराइ रहनु भएको थियो । उहाँको १ छोरा र २ छोरी रहेका छन् । उहाँको पार्थिव शरिरलाई चितवनमा समाधि गरिनेछ । नेपाली इसाई समुदायमा पनि स्तुति प्रशंसा मण्डलीको महत्वपूर्ण योगदान रहेको छ । उहाँको श्रीमान् पा. अमर थापा सो मण्डलीका संस्थापक पाष्टर हुनुहुन्छ । मण्डलीलाई देशविदेशबाट सान्त्वना पत्र, फोनहरु आइरहेको छ ।

प्रतिविम्बित र बृद्धी कार्यक्रम भब्यताको साथ सम्पन्न

२७ जुलाई २०२० मा ललितपुरस्थित क्वालिटी व्याङक्वेटमा सँग–सँगै सिकौं भन्ने विषयमा एक दिने नेपाली ख्रीष्टियन मिडिया तालिम सम्पन्न भएको छ । सो कार्यक्रममा शुरुको प्रार्थना पा. राजेश पन्तले गर्नुभएको थियो भने संचालनद्धय दिनेश श्रेष्ठ र हिरा खड्गीले गर्नुभएको थियो । कार्यक्रममा डा. विपी खनालले ख्रीष्टियन मिडियाको इतिहासको बारेमा विस्तृत रुपमा चर्चापरिचर्चा गर्नुभएको थियो । उहाँले ख्रीष्टियन मिडिया यहाँसम्म आउनुमा धेरै अग्रजहरुको योगदान बारे बताउनु भएको थियो । साथै ख्रीष्टियन मिडियाहरु धेरै नै अघि बढेको उहाँको ठम्याइ छ ।
संचारकर्मी कुमारसिंह बिष्टले ख्रीष्टियन मिडियाले नेपालमा महत्वपूर्ण भूमिका खेलेको बताउनु भएको थियो । मिडियाले सुसमाचार, चेला निर्माण केन्द्रिय हुनु पर्दछ साथै मण्डलीको हितको लागि कार्य गर्नु पर्ने बताउनु भयो ।

नेपाली ख्रीष्टियन मिडियाको वर्तमान अवस्थाको बारेमा विश्वास थापाले बताउनु भएको थियो । उहाँले नेपाली ख्रीष्टियन मिडियाकर्मी कोष खडा गर्नु पर्ने अवस्था देखेको बताउनु भयो । संचारकर्मी गाह्रो समयमा, विरामी भएमा वा अन्य भैइपरि आउने सम्भावना देख्दै यो कोष गर्नु पर्नेमा जोड दिनुभयो । उहाँले तत्काल १० हजार सो कोष दिने बताउनु भएको थियो ।

सुमित नेपालीले मिडियाकर्मीलाई विभिन्न भिडियो कसरी खिच्ने भनेर सिकाउनु भयो । उहाँले क्यामरा थिच्ने होइन, खिच्ने हुनु पर्दछ भन्ने बताउनु भयो । साथै भिडियो खीच्दा हुने गल्तीहरु र सही कसरी खीच्ने भनेर डेमो देखाउनु भएको थियो । साथै दिनेश श्रेष्ठले मिडियाको अवस्था र खेलेको भूमिकाका चर्चा गर्नुभएको थियो ।

हिरा खड्गीले नेपाली ख्रीष्टियन मिडियाको प्रतिविम्बित र बृद्धी बारेमा प्रष्टसँग सिकाउनु भएको थियो । सँगसँगै कसरी सिक्ने र कसरी अघि बढ्ने भनेर सिकाउनु भएको थियो । बृद्धीको योजना कस्तो हुनुपर्दछ ? हाम्रा गल्ती केके हुन् ? कसरी आफूलाई सुधार गर्दै अघि बढ्ने भन्ने बारेमा प्रष्ट खाका दिनु भएको थियो ।

 

सफल मिडियाकर्मीको संकेतको बारेमा पनि चर्चा गर्नुभएको थियो साथै कसरी गल्तीलाई सुधार्दै फेरी आफ्नो काममा केन्द्रित हुने कुरा सरल प्रकारले सिकाउनु भयो ।

 

 

लाजरस थुलुङद्धारा लिखित जीवनका आँधीबेहरीहरुमा परमेश्वरसँगको घनिष्टतामा हिँड्नु नामक पुस्तक बिमोचन

एक समारोहको बीचमा प्रसिद्ध लेखक तथा बक्ता पा. लाजरस थुलुङद्धारा लिखित जीवनका आँधीबेहरीहरुमा परमेश्वरसँगको घनिष्टतामा हिँड्नु नामक पुस्तक २४ जुलाई २०२० मा गौशालाको एक होटलमा बिमोचन भएको थियो । सो समारोहको संचारकर्मी महिमा भट्टराईले संचालन गरेकी थिएन भने सो पुस्तकको बारेमा डा. महेन्द्र भट्टराई र अधिवक्ता बुद्ध घिसिङले पुस्तकको बताउनु भएको थियो ।
सो पुस्तकको संयुक्त रुपमा बिमोचन रेभ. मंगलमान महर्जन, डा. महेन्द्र भट्टराई, पा. तेज जिरेल, सफल व्यवसायी रामचन्द्र्र तिमोथी, र पा. डिके दानिएलले गर्नुभएको थियो । लगतै रेभ. मंगलमान महर्जनले पुस्तक डेडिकेसनको प्रार्थना गरिदिनुभएको थियो ।
उत्साहको शब्दहरु क्रमश पा.चन्द्र श्रेष्ठ, राजु सुन्दास र धुब्र शिष्यले आफ्नो विचार राख्नुभएको थियो । ध्रुव शिष्यले सामाजिक संचालको प्रयोग गरि भिडियोबाट लाइभ सन्देश दिनुभएको थियो । प्रसिद्ध गायक एड्र्रिन देवान २ वटा गीत जुम सामाजिक संजालको प्रयोग गरि आफनो प्रस्तुति दिनु भएको थियो भने गायिका शुस्मा विश्वकर्माले कति घुँडाहरुको बोलको गीतद्धारा आशिषत बनाइकी थिएन ।

लेखकले २१ औं पुस्तकरुपमा बजारमा ल्याउन पाउदा खुशी व्यक्त गर्नुभएको थियो । उहाले सो पुस्तक बारेमा आफ्नो धारण राख्नुभएको थियो । क्रमश शुरु र अन्तिम प्राार्थना डा. अरविन पोखरेल र पा. वर्णबास श्रेष्ठले गर्नुभएको थियो । सो कार्यक्रम सामाजिक संजालमा लाइभ गरिएको थियो ।

इम्मानुएल नेपाली चर्च, युकेद्वारा खाध्यान्न तथा नगद प्रदान

 अपांग बाल शिक्षा सराेकार केन्द्र बिर्तामोड झापाका बाल बालिकाहरुलाई इम्मानुएल नेपाली चर्च,फक्सटन युकेले खाध्यान्न सहयाेग गर्नुका साथै नगद प्रदान गरेकाे छ। लामाे समयकाे लकडाउनकाे कारण शारीरिकरुपमा अशक्त बालबालिकाहरुलाई खाध्यान्न संकट भएको जानकारी स्थानिय प्रार्थना भवन मण्डली,बिर्तामोडका पाष्टर गंगा अालेले जानकारी गराउनुभए पश्चात युके स्थित नेपाली चर्चले खाध्यान्न सहयाेग पठाएको इम्मानुएल नेपाली चर्च युकेका एल्डर सुबास लिम्बुले बताए ।

“खाध्यान्न अभाव भएको समयमा सम्झेर हाम्राे नानीहरूलाई भाेकभाेकै बस्नबाट बचाई सात डाँडा पारि बाट सहयाेग गर्नुहुने नेपाली चर्च युके परिवारलाई हामी हृदयबाट नमन गर्दछाै।” सहयाेग बुझ्दै अपांग बाल शिक्षा सराेकार केन्द्र, बिर्तामोडका अध्यक्ष कृष्ण देब दुलालले बताउनुभयाे। साे बाल सराेकार केन्द्रमा १४ जना शारीरिक रुपमा अशक्त बालबालिकाले अाश्रयलिई अध्ययन गरिरहेका छन।त्यसैगरी इटहरी, इक्राई,चतरा र धरानका अति विपन्न एकल महिला र शारीरिक रुपमा अशक्त भएका २८ परिवारलाई खाध्यान्न सहयाेग स्वरुप १ बाेरा चामल,दाल,तेल,नुन चिनी,चियापती,न्युटेला,चना र साबुन प्रदान गर्नुका साथै भाेकाहरुलाई निशुल्क भाेजन वितरण कार्यकाे लागि अभियानकर्ता विश्वास थापालाई रू. दश हजार प्रदान गरेकाे छ। यस अघि उक्त चर्चले बिराटनगरका अति विपन्न तथा एकल महिलाकाे ३२ परिवारलाई खाध्यान्न र नगद सहयाेग प्रदान गरेकाे थियाे। “हाम्राे शरिर युकेमा छ तर हृदय नेपालमा, संकटकाे बेला हामी हाम्राे दाजुभाई,दिदीबहिनीहरुकाे साथमा सदा रहनेछाै।” इम्मानुएल नेपाली चर्च,युकेका डिकन तथा समाजसेवी तिल कुमारी (एस्तर)लिम्बुले बताईन। यस खाध्यान्न सहयाेग वितरण कार्यकाे संयाेजन इम्मानुएल कृपा चर्च,धरानका वरिष्ठ पाष्टर रेभ.हिमाल जाेसेफ राईले गर्नुभएको थियाे।

एनसिएफ र एनसिएसद्वारा राहत वितरण:

 

काेभीड-१९काे महामारीको कारण लामाे समयकाे लकडाउनले खाध्यान्न संकटकाे सामना गरिरहेका १०२ परिवारलाई नेपाल राष्ट्रिय मण्डली संगति प्रदेश नं. १ र प्रदेश नं.१ इसाई समाजले संयुक्तरूपमा धरान ख्रीष्टियन समाजद्वारा सामाजिक दुरी कायम राख्दै राहत वितरण गरेकाे छ। धरानका २०वटा मण्डलीका अति विपन्न परिवारलाई पहिलाे चरणमा राहत प्रदान गरिएको समाजका अध्यक्ष रेभ.शामुयल राईले बताउनुभयाे। हामी क्रमश:धरानमा भएको मण्डलीका अति विपन्न परिवारलाई राहत वितरण गर्दै जानेछाै राहत वितरण कार्यक्रममा प्रदेश नं.१ इसाई समाजका महासचिव पा.मेहरमान ह्युज गिरीले बताउनुभयाे। धेरै दिनकाे लकडाउनकाे कारणले कमाएर परिवारलाई धान्न गाराे भएकाे अवस्थामा याे राहतले ठुलो गुन लगाएकाे नव जीवन चर्च,धरान-१२का टेम्पाे चालक बीर बहादुर मगरले खुशी हुदै बताए । “के खाने हाेला भनेर प्रार्थना गरिरहेकाे बेला परमेश्वरले यसरी जुटाउनुभयाे। हाम्राे परमेश्वर यहाेवा यिरे हुनुहुन्छ।” चामलकाे बाेरामा नाम्लाे कस्दै धरान-१५ गणतन्त्र टाेल निवासी नानी माया बिकले बताईन। राहत स्वरुप १ बाेरा चामल,दाल र तेल उपलब्ध गराएकाे एन सि एफ र एन सि एसकाे संयुक्त प्रकाेप राहत सेवा समितिका प्रदेश १ संयाेजक तथा नेपाल राष्ट्रिय मण्डली संगतिका केन्द्रिय सहसचिव रेभ.हिमाल जाेसेफ राईले जानकारी दिनुभयाे। अाउदाे दिनहरुमा रेड जाेनमा परेकाे प्रदेश नं.१का विभिन्न स्थानहरुमा राहत वितरण कार्य गर्दै जाने रेभ.राईले बताउनुभयाे। राहत वितरण कार्यमा नेपाल ख्रीष्टियन समाजका सचिव रेभ.कुबेर गुरुङज्युकाे पनि सहभागीता रहेकाे थियाे।

निशुल्क खाना खुवाउने अभियानमा मण्डलीले साथ दिदैं

बैशाख/महामारी रोग कोरोनाबाट बच्न नेपाल सरकारले गरेको लडाउन अवधि करिब दुई महिना पुग्नै लागेको छ । लडाउनको कारण दैनिक काम गरेर आफ्नो खर्च धान्ने मज्दुरहरु बढी मारमा परेका छन् ।
यस्तो जटिल अबस्थामा एक समाजसेवी ब्यक्तित्व तुलसी श्रेष्ठले काठमाडौंमा निशुल्क खाना खुवाउने अभियान सुरु गर्नुभएको छ । अभियन्ता तुलसी श्रेष्ठका अनुसार अभियानमा निशुल्क खाना खुवाउन थालेको १४ दिन पुगेको र आफूले सुरु गरेको अभियानमा धेरै ब्यक्तिको साथ र सहयोग जुट्न थालेको बताउनु भएको छ ।
अभियन्ता तुलसी श्रेष्टले अहिलेसम्म ११सय जनालाई राहात वितरण गर्नुभएको , र दिनमा ४०० जनालाई निशुल्क खाना खुवाउदै आएको जानकारी दिनुभएको छ । उहाँको यो अभियानमा साथ दिन धेरै व्यक्तित्वहरु जुटिरहनु भएको छ । हाल यो सेवा काठमाण्डौं र ललितपुरका बिभिन्न १२ स्थानहरुमा उपलब्ध गराइरहेको छ तथा बिर अस्पताल र ट्रमा सेन्टरमा पनि मिती बैसाख २३ गते बाट खाना उपलब्ध गराइने जानकारी अभियान्ता श्रेष्ठले दिनुभएको छ ।
यसैगरी अभियानलाई सफल पार्न इम्मानुयल कृपा चर्च १५ धरानले यस्तो जटिल प्रस्थितिमा भोकलाई भोजन जुटाउने असल अभियानमा सबै लाग्नु पर्छ भन्दै अभियानको लागि  सात हजार सहयोग गरेको छ । ईम्मानुयल कृपा चर्चको तर्फबाट अभियानमा खटिरहनु भएका सबै संवयसेवकहरुलाई पनि धन्यवाद दिनु भएको छ । साथै बिश्वभरि छरिएर रहेका सम्पुर्ण मण्डलीहरुलाई ईम्मानुयल कृपा चर्चका रेभ.पा. हिमाल रार्ई ज्यूले यो महामारीमा आर्थिक सहयोग निम्ती सबैमा अपिल समेत गर्नुभएको छ ।
बिस्तृत जानकारीको लागी तुलसी श्रेष्ठ : ९८६३३२२७९३

ख्रीष्टमस महोत्सव २०७६ सम्पन्न

काठमाडौं । राष्ट्रिय ख्रीष्टियन महासंघ नेपालले हिजो डिसेम्बर २५ तारिख अर्थात पुस ९ गतेका दिन सम्माननीय उपराष्ट्रपति नन्द बहादुर पुनको प्रमुख आतिथ्यमा ख्रीष्टमस महोत्सव भब्यताका साथ सम्पन्न भएको छ ।
काठमाडौंको प्रज्ञा प्रतिष्ठानको सभा हलमा आयोजित ख्रीष्टजन्मोत्सव महोत्सव समारोहलाई सम्माननीय उपराष्ट्रपति नन्द बहादुर पुनले पानसमा बत्ती बालेर समुद्घाटन गर्नु भएको थियो । सो समारोहमा नेपाली कांग्रेसका नेता तथा पुर्व उपप्रधानमन्त्री माननीय गोपालमान श्रेष्ठ र नेकपाका नेतृ एवं पुर्वशान्ति मन्त्री माननीय सत्या पहाडी बिशिष्ट अतिथिको रुपमा सहभागी हुनुहुन्थ्यो ।
सो ख्रीष्टमस महोत्सव समारोहमा सम्माननीय उपराष्ट्रपति नन्द बहादुर पुनले लगायत अन्य महानुभावहरुलाई राष्ट्रिय ख्रीष्टियन महासंघ नेपालले दोसल्ला ओढाई कदर पत्र प्रदान गरेर सम्मान गरेको थियो । यसरी सम्मानित हुने ब्यक्तिहरुमा लामो समयदेखि पूर्वी नेपालमा रहेर करिव दुई दशक पत्रकारितामा योगदान पु¥याउनु हुने गिदोन लामीछाने, नेपाली ख्रीष्टियन संगीतमा लामो समय योगदान गर्नुहुने संगीतकार द्धय त्रिलोक प्रधान र गगन सुब्बा, हेटौंडामा रहेर नेपाली ख्रीष्टियन साहित्यमा योगदान पु¥याउनु हुने साहित्यकार जीवन शाह, विदेशमा रहेर बालबालिकाको हितमा काम गर्नु भएकी रुथ पराजूली र हङकङमा रहेर नेपालीहरुको बिचमा सेवा पु¥याउनु हुने पा. राजु बराइलीका साथै मानव अधिकारको क्षेत्रमा योगदान पु¥याउनु हुने मानव अधिकारकर्मी चरण प्रसाई लगायतका लाई दोसल्ला ओढाई सम्मान पत्र प्रदान गरी सम्मान गरिएको थियो । साथै संविधानविद् दिनेश त्रिपाठी, महासंघको युरोपका सद्भावदूत डा. डम्बर अधिकारी, नेकपाका नेतृ तथा पूर्वशान्ति मन्त्री सत्या पहाडी, नेपाली कांग्रेसका नेता तथा पुर्वउपप्रधान मन्त्री गोपालमान श्रेष्ठ, राष्ट्रिय ख्रीष्टियन महासंघ नेपालका पूर्व अध्यक्ष सुन्दर थापा लगायतलाई दोसल्ला ओढाई सम्मान गरिएको थियो ।
त्यस ख्रीष्टमस महोत्सव समारोहमा सम्माननीय उपराष्ट्रपति नन्द बहादुर प्ुनले ख्रीष्ट जन्मोत्सवको अवसरमा ख्रीष्टियन धर्मालम्बी लगायत सम्पूर्ण नेपालीहरुमा शान्ति, सम्बृिद्ध र उत्तरोउत्तर प्रगतिको कामना गर्दै आफ्नो शुभकामना मन्तब्य राख्नुभएको थियो । साथै नेपाली कांग्रेसका नेता एवम् पुर्व उपप्रधानमन्त्री गोपालमान श्रेष्ठ, नेकपाका नेतृ तथा पुर्व शान्तिमन्त्री सत्य पहाडीले पनि ख्रीष्टमस तथा नयाँ वर्ष २०२०को शुभकामना मन्तब्य राख्नु भएको थियो ।
सहअध्यक्ष रिता काबोले स्वागतको मन्तब्य राख्नुभएको सो समारोहमा महासंघका युरोपका सद्भावदूत डा. डम्बर अधिकारीले परमेश्वरको वचनबाट बोल्नु हुँदै सबैमा उत्साह प्रदान गुर्न भएको थियो । महासंघका बरिष्ठ सहअध्यक्ष डा. फिलेमोन खड्का क्षेत्री, राष्ट्रिय ख्रीष्टियन महासंघ नेपालका गैर आवासीय तथा प्रवासी सचिव रेभ. पा. राजु बराइलीले पनि ख्रीष्ट जन्मोत्सव र नयाँ वर्ष सन् २०२० को पनि शुभकामना मन्तब्य राख्नुभएको थियो ।
उक्त कार्यक्रमलाई उपमहासिचव एवम् प्रवक्ता रेभ. उद्धव चिमोरियाले कुशलतापूर्वक सञ्चालन गर्नुभएको थियो भने सुरुवातको प्रार्थना सहअध्यक्ष पा. तेजमान तामाङले गर्नुभएको थियो । ख्रीष्टमस सम्बन्धीका भजन गीतहरु सिलोआम बाँसबारी चर्चका क्वायर झुण्डले अगुवाई गर्नुभएको थियो । प्रज्ञा प्रतिष्ठानको सभा हलमा खचाखच भरिएको सो समारोहको अन्त्यमा त्यस ख्रीष्टमस महोत्सव समारोहका सभापति एवम् राष्ट्रिय ख्रीष्टियन महासंघका अध्यक्ष सी.वी गहतराजले धन्यवादको छोटो मन्तब्य राखेर कार्यक्रम समापन भएको घोषणा गर्दै अन्तिम प्रार्थना गर्नु भएको थियो ।

पाँचौ वार्षिक उत्सव तथा धन्यवाद कार्यक्रम सम्पन्न

टोक्यो, जापान
आज उत्साह नेपाली चर्च जापानले पाँचौ वार्षिक उत्सव सम्पन्न गरेको छ । विभिन्न ठाउँबाट नेपाली भाषी संगतिबाट पनि प्रतिनिधित्वहरुको उपस्थिति रहेको थियो ।पाचौं संस्करण मनाउदै गर्दा मण्डलीको एतिहासिक पृष्ठभूमि शुरुवातदेखि हालसम्मको क्रियाकलापहरु भिडियोसंगै बृस्तृत प्रस्तुतिकरण डिकन समिना रुपचाले गरेको थियो । कार्यक्रमका प्रमुख अतिथि नेपालमा बिशेष बालबालिका क्षेत्रमा मिनिस्ट्री गरिराख्नुभएको जपनिज अगुवा हिदेगी जिम्बो रहेको थियो र वहाले करिब २५ वर्ष अगाडी जापानमा प्रबेश गर्नुभएको हाल नेपालमा प्रसंशा मण्डली काठमाडौका अगुवा बिजय मानन्धरले पनि शुभकामना मन्तब्यसंगै परमेश्वरको योजना र जापानमा नेपालि संगतिको लागि धेरै अगाडी देखि प्रार्थाना भैरहेको र एक अर्काको निम्ति प्रार्थना लाइ बिशेष जोड दिनुभएको थियो ।परमेश्वरको बचन स्थानिय मण्डलीका पास्टर चन्द्रकिरण मगरले प्रबचन गर्नुभएको आँखाले नदेखेका र कानले नसुनेका र मानिसले मनमा नसोचेका,यी नै कुरा परमेश्‍वरले उहाँलाई प्रेम गर्नेहरूका निम्‍ति तयार पार्नुभएको छ।” ‭‭१ कोरिन्थी‬ ‭२:९
जुन बचन “उत्साह मण्डली” को पर्यावाची शब्द हो भनि पारिवारिक प्रार्थना इ स २०११ बाट अनौपचारिक र इ स २०१४ देखि औपचारिक रुपमा शुरु भइ हाल सम्म केहि पृष्ठभूमि प्रस्टाउनुभएको थियो । मण्डलीबाट शुरुका सबै फ़ाउण्डरहरु र मण्डलीमा जपनिस आगुवाको रुपमा सहायता तथा मध्यस्त गर्नुहुने हुदेकी जिम्बो सबैलाइ धन्यवाद तथा सम्मान गरेको थियो । विभिन्न गित ,नृत्य, कविता तथा जीवन गवाइ बाट मनोरंजन तथा आशिषित समय रह्यो र विभिन्न नेपाली संगति बाट आएका प्रतिनिधिहरुले पनि शुभकामना मन्तब्य राख्नु
भएको थियो । अन्तमा सबै कार्यक्रमको जिम्मेवारी लिने टिमलाई धन्यवाद दिएर अगुवा सुरजचन्द गुरुङले कार्यक्रम सिद्दिएको घोषणा गरको थियो ।

धरानमा बृहत ख्रिष्टमस महोत्सवको तयारी धरान

आगमी मंसिर २६, २७ र २८ गते धरानमा बृहत ख्रिष्टमस महोत्सवको आयोजना गरिने भएको छ । महोत्सवको तयारीका लागि पाष्टर महेन्द्रजंग साम्पाङको संयोजकत्वमा ख्रिष्टमस महोत्सव आयोजक समिति चयन भएको छ । समितिको सहसंयोजकमा विशप ज्योती थुलुङ, एल्डर गोविन्द राई र पाष्टर जगत थुलुङ रहेका छन् । समितिको सचिव एल्डर रमेश राई, सहसचिव पाष्टर शेरबहादुर गुरुङ, कोषाध्यक्ष पाष्टर केशर थुलुङ र सहकोषाध्यक्ष पाष्टर सुर्यबहादुर तामाङ रहेका छन् । त्यसैगरी समितिको सदस्यहरुमा पाष्टर दिलबहादुर साम्पाङ, पाष्टर मचिन्द्र लावती, पाष्टर गिदोन लामिछाने, एल्डर धिरेन्द्र चौधरी, एल्डर सुवास वर्देवा, एल्डर राजकुमार राई, एल्डर दिनेश दर्ना र सुवास राई रहेका छन् । त्यसैगरी मुल आयोजक समितिको संरक्षकमा डा.जीवनदीप सुब्बा, विशेष सल्लाहकारमा रेभ.शामुल राई, पाष्टर मनि कुमार राई र कमल ह्यूज राई रहेका छन् भने महोत्सवलाई भव्य रुपमा सम्पन्न गर्न विभिन्न उपसमितिहरु गठन भएका छन् । डिसेम्बेर २५ का दिन विश्वभर ख्रिष्टियनहरुले प्रभु येशु ख्रीष्टको जन्मोत्सव मनाउने गरेका छन् । यसपटक नेपालमा पुष ९ गते ख्रिष्टमस मनाइने छ । नेपाल लगायत विश्वमा एक महिना अघि देखि नै ख्रिष्टमसका अवसरमा विभिन्न कार्यक्रमको आयोजना गर्दै इसाईहरुले ख्रिष्टमस मनाउँदै आएका छन् । यसलाई अन्य समुदायले इसाई धर्मवालम्बीहरुको चाडका रुपमा लिन्छन् भने स्वयम् ख्रिष्टियनहरुले प्रभु येशु ख्रीष्टको विषयमा मानिसहरुलाई बताउने र उहाँ संसारका मुक्तिदाता र उद्दारकर्ता हुनुहुन्छ भनि घोषणा गर्ने अवसरका रुपमा लिँदै आएका छन् । धरानमा गत ३ वर्षअघि देखि इसाईहरुले सामूहिक रुपमा ख्रिष्टमस महोत्सवको आयोजना गर्दै आएका छन् । यसपटक धरानभरीका विभिन्न चर्चहरुबाट धरान बजारमा प्रभु येशु ख्रिष्टको जन्मको सुसमाचार सुनाउँदै शान्ति र समृद्धिको लागि मंसिर २६ गते ¥याली प्रदर्शन गर्ने भएका छन् भने २७ र २८ गते धरान १५ स्थित चुम्लुङ भवनमा महोत्सव आयोजना हुने संयोजक पा.महेन्द्रजंग साम्पाङले जानकारी दिएका छन् । उनले उक्त महोत्सवमा इसाई समुदाय तथा विभिन्न मण्डलीका विश्वासीहरुले आफ्ना व्यवसायिक प्रदर्शनसमेत गर्न सक्नेछन् जसका लागि स्टलको व्यवस्था गरिनेछ । त्यस्तै महोत्सवमा खाना तथा खाजाका परिकार पाउनुका साथै सांगितिक कार्यक्रमहरु समेत रहनेछन् । उक्त, महोत्सवमा सरकारी, गैरसकारी तथा नीजि क्षेत्रका विशिष्ट व्यक्तित्वहरुको समेत सहभागिता रहने हुँदा मण्डलीबीचको सहकार्य, एकता एवम् सहयोग आदनप्रदान मजबुद बन्नेछ भने सामाजिक अन्तरघुलन हुनेछ । महोत्सवमा अवलोकनका लागि धरानका अन्य समुदायलाई समेत आमन्त्रण गरिने भएकोले इसाई समुदायलाई समाजले नजिकबाट चिन्न र बुझ्न सक्ने भएकोले सुसमाचारिय कार्यक्र हुने बताइएको छ ।

शिखर सम्मेलनको सफल आयोजना 

२५ कार्तिक २०७६ ! यंयूक्त राज्य अमेरिकामा आफ्नो कार्यथलो बनाउनु भएका पा. निमा घिसिङको नेतृत्वमा ५ सदस्य प्रवासी तथा गैह्र आवसिय समन्वाय विभागको समिति गठन हुनुका साथै महादेशिय प्रमुख तथा विभिन्न राष्ट्रहरुमा महासंघको विधान २०६८ तथा सशोधन २०७३ को दफा ४ अनुसार सद्भावदूतहरु मनोनयन गर्दै राष्ट्रिय ख्रीष्टियन महासंघ नेपालका सद्भावदूतहरुको पहिलो शिखर सम्मेलन आज समापन गरियो । समापन समारोहमा हङकङका लागि नेपाल सरकारका महाबानिञ्यदूत श्री कमल प्रसाद् भट्टराईको प्रमुख आतिथ्य तथा सिडर फण्ड हङकङका कार्यकारी प्रमुखको विशेष आतिथ्य रहेको थियो । महासंघले विश्वका विभिन्न राष्ट्रका व्यक्तित्वहरुलाई भेला गराई आफ्नो देश र समुदायको हित तथा भलाईका लागि चिन्तनमन गरेकोमा खुशी व्यक्त गर्दै नवगठित प्रवासी तथा गैह्र आवसिय समन्वाय विभागको समितिका सदस्यहरु तथा सद्भागदूतहरुलाई प्रमाण पत्र वितरण गर्नु भएको थियो ।
सिडर फण्ड हङकङका कार्यकारी प्रमुख डा. रेमण्डले सबैलाई उत्साह दिदै भन्नुभयो “प्रभु येशुको सेवकाईको बेलामा प्रतिकुल परिस्थिति हुँदा हुँदै पनि उहाँले १२ जना अगुवाहरु निर्माण गर्नु भयो र सुसमचारका पद्दति बसाल्नुभयो, उहाँको समयमा जस्तै अहिले हाम्रो समयमा पनि अनुकुल प्ररिस्थिति छैन र उहाँले गरेनुसार नै हामीहरुले पनि गर्नु पर्छ र हामीहरु सबै मिलेर उहाँले थालनी गर्नुभएको कुरालाई अघि बढाउनु पर्छ” यी कुरामा महासंघले विशेष् ध्यान दिनुपर्नेमा जोड् दिर्दै महासंघका लागि प्रार्थना गरिराख्ने बताउनु भयो ।
नवनियूक्त प्रवासी तथा गैह्र आवसिय विभागका सदस्य तथा महादेशिय प्रमुखहरुमा सह–प्रमुख तथा उत्तर अमेरिकाका प्रमुखमा पा.डा.प्रकाश मेघी गुरुङ, सचिव तथा एसियाका प्रमुखमा पा.राजु बराईली, कोषाध्यक्ष तथा अष्ट्रलियका प्रमुखमा मुना पाण्डे र सदस्य तथा युरोप प्रमुखमा रेभ.डा.डम्बर अधिकारी चयन हुनुभएको छ साथै अन्य विभिन्न देशहरुका लागि सद्भावदूतहरु पनि मनोनयन गरिएको छ ।
नवगठित समितिले आगामी २०२० का लागि कार्ययोजना पनि बनाएको छ जसमा महादेशिय बैठकहरु गरी अन्य धेरै भन्दा धेरै राष्ट्रहरुका लागि सद्भावदूतहरु मनोनयन गर्ने र नेपाली भाषी मण्डलीहरुको लागि एक सशक्त आवाज बनी नेपाली भाषी मण्डलीहरुको समस्यहरुलाई अन्तर्राष्ट्रिय स्तरबाट पनि समाधानको लागि पहल गर्ने गरी कार्ययोजना बनाइएको छ ।
२०१९ नोभेम्बर ०८ देखि वाई.एम.सि.ए.को कम्प्याक्स हङकङमा शुरु भएको शिखर सम्मेलनलाई नेपाली ख्रीष्टियन परिषद् हङकङले होष्ट गरेको थियो भने परिषद्मा आबद्ध मण्डलीहरुका साथै यस शिखर सम्मेलनका सहभागिहरुसँगको संयूक्त संगति हिजो अर्थात नोभेम्बर १० तारिखका दिन सम्पन्न भएको थियो ।
उक्त शिखर सम्मेलनमा अध्यक्ष सि.बि.गहतराज, रेभ.डा.फिलेमोन क्षेत्री, प्रपेसर डा.थोर स्टे«डिन्यस, पा.निमा घिसिङ, पा डा.मनोज श्रेष्ठ, महासंघका कानुनि सल्लाहकार अधिवक्त बुद्ध घिसिङ तथा उपमहासचिव पा. धनराज घिमिरेले विभिन्न विषयहरुमा आफ्नो प्रस्तुति गर्नुभएको थियो । त्यसै गरी सहभागिभएका सबै देशहरुका प्रतिनिधिहरुले सम्बन्धित देशमा भइरहेको सेवकाई, नेपाली भाषी मण्डलीहरुको अवस्था तथा चुनौतिहरुका साथै महासंघका लागि महत्वपूर्ण सुझावहरु दिनुभएको थियो ।
शिखर सम्मेलन अतिनै आशिष्मय भएको तथा महासंघका बारेमा धेरै कुराहरु जान्न पाएको र अबका दिनमा महासंघका लागि निरन्तर प्रार्थना गर्ने र आबद्धभई महासंघले उठाएका एजेण्डहरुमा सक्दो सहयोग गर्ने कुरा उपस्थिति सहभागिहरुले बताउनु भएको थियो ।