सिङ्गिङ्ग एन्ड डान्सिङ्ग स्टार २०७४

मकल राई बान्तबा। भाद्र १७। कभनेन्ट डान्स एन्ड म्युजिक एकेडेमी द्वारा इसाई कलाकारको उजागर गर्ने तथा परमेश्वरको महिमा गर्ने उद्देश्यले नृत्य तथा गायन प्रतियोगिता सिङ्गिङ्ग एन्ड डान्सिङ्ग स्टार २०१७ सञ्चालन भइरहेको छ।
यश नृत्य तथा गायन प्रतियोगितालाई सिङ्गिङ्ग एन्ड डान्सिङ्ग स्टार २०१७ नामाकरण गरिएको छ। बिगत ६ महिना अघिदेखि अधिराज्य भरिबाट विभिन्न जिल्लाबाट अडिसन लिइएको थियोे। अडिसनका क्रममा लगभग १००० एक हजार जनाको सहभागिता रहेको थियो। निर्नायकका रुपमा गायन तर्फ संगितकार गगन सुब्बा र गायक राजेश राई हुनुहुन्छ भने नृत्य तर्फ नीलीमा कोइराला र शानीया शाह हुनुहुन्छ।
अहिलेसम्म अडिसन लगायत पाँचौ राउन्ड सम्पन्न भैसकेको छ। यस पटक टप ११ को छनोट भएको छ। जसमा नृत्य ११ र गायन ११ गरि २२ जना टप ११ को लागि छानिएका छन्। जसमा नृत्य तर्फ क्रमशः आकृती राई, स्यारोन मगर, जस्ती महर्जन, बीनीता मगर, तबीता घिमिरे, नबीना श्रेष्ठ, बिबेक घिमिरे, किरण मगर, अदीती मगर, जनम लामा र गायन तर्फ कृष्टीना राई, एकान्त लिम्बू, अमर रहपाल, पत्रुश थापा, मनोज लामा, रेवीका राई, भरत राई, शेखर तामाङ, मोहन मगर, ज्योति लिम्बू, प्रतिज्ञा मगर रहेका छन्।
यश प्रतियोगितामा प्रथम हुनेले एक लाख पचास हजार साथै एल्बम र म्युजिक भिडियो प्राप्त गर्नेछ। भने दोश्रो हुनेले एक लाख साथै एल्बम र म्युजिक भिडियो प्राप्त गर्नेछ। अहिलेसम्मको सम्पूर्ण अडिसन लगायतका राउन्ड मण्डलीहरुमा हुदै आइरहेको थियो। अब दशै लगत्तै नेपालीको राष्ट्रिय टेलिभिजन च्यानल सगरमाथा टेलिभिजनबाट प्रशारण हुने भएको छ।यो नृत्य तथा गायन प्रतियोगिता लगातार १८ पटक प्रशारण हुनेछ।
यो नेपाली इसाई क्षेत्रमा पहिलोपटक गरिन लागिएको पहिलो कार्यक्रम हो जसलाई नेपालीको राष्ट्रिय टेलिभिजन च्यानलको माध्यमबाट प्रशारण गर्ने भएको छ। यस कार्यक्रमको बारेमा जानकारी दिदै आयोजकले दाबी गरे यो कार्यक्रम संसारकै पहिलो इसाई नृत्य तथा गायन प्रतियोगिता हो जो देशको राष्ट्रिय च्यानलले प्रशारण हुदैछ।

Related Articles

Back to top button