अमानवीय सती प्रथाको उन्मूलनको लागि हिन्दु सुधारवादीहरूलाई कानुन निर्माणमा मदत गरे

जोन रेल्यान्डको जन्म १७५३ मा एउटा ईश्वरभक्त परिवारमा इङ्गल्यान्डमा भएको थियो । तिनी हिब्रू विद्वान् र पास्टरका छोरा थिए । सानै उमेरदेखि विलिक्षण प्रतिभाका धनी जोनले पाँच वर्षकै उमेरमा भजनसंग्रह २३ लाई अनुवाद गर्न सक्थे र १२ वर्ष पुग्नुअगि नै उत्पत्तिको पुस्तकलाई मौलिक भाषा अर्थात् हिब्रूमा पढ्न सक्थे । १५ लाग्नुअगि तिनले आफ्ना पिताको स्कुलमा पढाउँथे । यति हुँदाहुँदै पनि जोन ख्रीष्टियान बनेका थिएनन् ।

जोन आफ्नो आत्मिक यात्रामा सङ्घर्षरत थिए । एक दिन तिनलाई उद्धारको आनन्द पाएजस्तो लाग्थ्यो, तर भोलिपल्ट तिनी आशङ्काको सागरमा डुबुल्की मार्न पुग्थे ।

एक दिनको कुरो हो, विख्यात् लेखकसाथै वक्ता जर्ज ह्वाइटफिल्ड जोनका पितालाई भेटघाट गर्न आए र भोलिपल्ट अर्थात् ८ सेप्टेम्बर १७६७ मा तिनले मण्डलीमा प्रचार गरे । आत्मिक सङ्घर्षमा जुधिरहेका जोन वचन सुन्नलाई उपस्थित भए । वचनले तिनको ह्रदयलाई छोयो र तिनले व्यक्तिगत रूपमा प्रभु येशू ख्रीष्टलाई अङ्गाले अर्थात् उक्त दिन तिनी दोस्रो पटक जन्मे ।

पाँच दिनपश्चात् जोनले इङ्गल्यान्डको नर्थह्याम्प्टनको नेने नामक नदीमा बप्तिस्मा लिए । पछि तिनी आफ्ना पिताजस्तै पास्टर बने र १७८३ मा उही नदीको उही ठाउँमा तिनले विलियम केरीलाई बप्तिस्मा दिए जो आधुनिक मिसनका पिता बने । भारतमा मिसनरी बनेर आएका केरीले सुसमचार मात्र प्रचार गरेनन्, तर त्यस बेला भारतमा अभ्यास गरिने शिशु हत्या, किशोरी वेश्यागमनको खरो विरोध गर्नुका साथै पतिको मृत्युपश्चात् पत्नीलाई जिउँदै जलाइने अमानवीय सती प्रथाको उन्मूलनको लागि हिन्दु सुधारवादीहरूलाई कानुन निर्माणमा मदत गरे अनि नेपाली भाषामा पहिलो पटक बाइबलको नयाँ करारलाई अनुवाद गरी इतिहास रचे ।

  • कमल अधिकारी

साभार : Reasons to Believe

 

Related Articles

Back to top button