‘इस्टर महोत्सव’ होइन ‘पुनरुत्थान दिवस’ भनौं

प्राचिन ग्रिकहरुले ‘इस्टर’ नामको प्रजनन वा वसन्तकी देवीलाई वर्षेनी मार्च महिनाको अन्तिम आइतवारतिर वा अप्रिल महिनाको सुरुतिर  पुज्थे | संयोगवश येशुको पुनरुत्थान पनि त्यही दिन भयो, अब फटाहाहरुले येशुको पुरुत्थानलाई नै ‘इस्टर’को नामकरण गरे र अहिलेसम्म हामी मूर्ख भएर यही नाउँ रट्दै छौं | | यसो गर्नाले यहाँनिर कसको महिमा भयो, येशुको कि इस्टर देवीको ?

इस्टर देवीलाई प्रजननकी देवी मानिने हुनाले प्रशस्त प्रजननको कामना वा प्रतीकस्वरूप खरायोका नानीहरु र रंगाइएका अन्डालाई प्रयोग गरिन्थ्यो जसलाई अंग्रेजीमा ‘इस्टर बुन्निज वा इस्टर एग्ज’ भनिन्छ | यो नाम र यी चिजको हाम्रा मुक्तिदाता येशु ख्रीष्टको पुनरुत्थानसित कत्ति पनि सम्बन्ध छैन बरु यो त सोझै मूर्तिपूजासित सम्बन्धित छ | त्यसैले अबदेखि ख्रीष्टियानहरुले ‘इस्टर’ नलेखुन्-नभनुन् |

ख्रीष्टियानहरुले खुलामंचमा पुनरुत्थान दिवस मनाउँदा ब्यानरमा ठूल्ठूला अक्षरमा ‘इस्टर महोत्सव’ लेखिएको देखियो, यस्तो नबुझेर लेखेको हो कि बुझ पचाएर ? त्यो बुझ्न सकिएन किनकि ‘इस्टर’को खास अर्थ के हो र यो केसँग सम्बन्धित छ भन्ने कुरा गुगल सर्च गरे प्रशस्त जानकारी पाउन सकिन्छ | म आफैंले पनि गुगलबाटै इस्टरको अर्थ थाहा गरेकी हुँ | ख्रीष्टमा आइसकेपछि तपाई-हामीलाई ‘हे भगवान !’ भन्न मन लाग्दैन, हो त्यस्तै अब ‘इस्टर’ भन्न-लेख्न पनि छोडौं, किन हामी येशुको महिमित दिनको अवसरलाई एउटा प्राचिन देवीको नाउँले पुकारी अवमूल्यन गराउने ? अब सोंच्ने जिम्मा तपाईहरुकै हो, हल्लेलुयाह !

(लेख)

  • Aruna Chhantyal Aaroo

 

 

Related Articles

Back to top button