डा. बालकृष्ण शर्माको कथित हिन्दू धर्मगुरू श्रीनिवासाचार्यको षड्यन्त्र प्रतिक्रिया

भर्खरै प्रकाशित भएको अन्नपूर्ण पोस्टको खबरले कथित हिन्दू धर्मगुरू श्रीनिवासाचार्यको षड्यन्त्रलाई स्पष्टसँग उजागर गरेको छ । उनले जातिय र धार्मिक एकता र सदभावलाई भाँड्ने किसिमले ख्रीष्टियानहरुले गोली प्रहार गरे भन्ने आक्षप लगाएका थिए । आफैले गोली हान्न लगाएर शान्तिप्रेमी र सेवाले भरिएका ख्रीष्टियानहरुलाई आरोप लगाएका थिए र मंगोल संगठन भनी ख्रीष्टियानहरूलाई आरोप लगाउने खालको पत्रिका पनि खसाल्न लगाएका थिए । उनको यो षडयन्त्रको आज पर्दाफास भएको छ । ख्रीष्टियानहरुले विश्वास र स्वीकार गरेका बाइबलको शिक्षाले शान्तिका दाता येशू ख्रीष्टको प्रेमको शिक्षालाई पालन गर्छ र आफ्नो विरोध गर्नेहरूलाई पनि क्षमा दिन्छ । ख्रीष्टयान विश्वासले मानवमा हुनुपर्ने असल चरित्रलाई जोड दिन्छ । यी षड्यन्त्रकारीले आफैलाई गोली हान्न लगाएपछि चितवन लगायत नेपालका विभिन्न स्थानहरुमा ख्रीष्टियानहरुमाथि ज्यादति र अभद्र व्यवहार गर्न शुरू गरिएको छ । धार्मिक स्थल चर्चमाथि आक्रमण भएको छ र चर्च जलाइएको छ । यसको सम्पूर्ण जिम्मेवारी अब यी षडयन्त्रकारी धर्मगुरू लगायत यिनका चेलाहरूले लिनुपर्छ र धार्मिक सहिसुण्ता खलल गरेकोमा यिनीहरूलाई कार्यवाही गर्नुपर्छ । नेपालको संवधिानले धार्मिक स्वतन्त्रता दिएको हुनाले कसैले पनि धार्मिक स्थलमा आएर हस्तक्षेप गर्ने अधिकार छैन । चितवन र कोहलपुर चर्चमा भएको यस हस्तक्षेपमाथि कार्यवाही होस् भन्ने चाहन्छौँ । येशूमा विश्वास गरेकाहरूलाई जवरजस्ती गरेर फेरि हिन्दू बनाउने चलखेलमाथि सरकारको ध्यान जाओस् । यस किसिमको क्रियाकलाप गर्नेहरूले आफ्ना गुरूको षडयन्त्रलाई बुझी आफ्ना गलत कार्यहरूबाट फर्कनका लागि पनि म अनुरोध गर्न चाहन्छु । जसले जुन धार्मिक आस्था राख्न चाहन्छ सोको अभ्यास गर्नका लागि कुनै बाधा दिनु हुँदैन । आज कति देशमा मानिसहरू हिन्दू बनिरहेका छन् उनीहरुलाई सो बन्न दि‍उँ र जति जनाले येशूलाई विश्वास गर्न चाहन्छन् त्यसमा किन हस्तक्षेप । आज येशूमा विश्वास गर्नेहरूमाथि लगाएको झूटा आरोप र उनीहरूलाई रूवाएको फल देखिएको छ । धर्मका गुरूले आफैलाई गोली हान्न लगाउनु कहाँसम्मको बेइमानी कार्य हो । त्यति मात्र होइन त्यो दुष्ट काम गरेर ख्रीष्टियानहरुमाथि आरोप लगाउनु कति ठूलो बेइमानी र पाप हो । अब हामी सत्यको पछि लागौँ र एक अर्कासँग सत्य बोलौँ र सेवा गरौँ । परमेश्वरले येशू ख्रीष्टमा सबैलाई प्रेम गर्नुहुन्छ र हामी जीवित परमेश्वरका बारेमा गल्ती कुरा नगरौँ । जीवित परमेश्वरसँग खेलबाड गर्नु डरलाग्दो कुरा हो भन्ने कुरा आज एकपल्ट फेरि प्रमाणित भएको छ । जीवित परमेश्वरले सबैलाई सदबुद्धि देऊन् र सबै मानवको कल्याण गरून् । सबैमा शान्ति र समृद्धि होस् ।

  • Bal Krishan Sharma

 

“श्रीनिवासाचार्य भारतका श्रीश्रीश्री रबी शंकरको इसारामा संचालित छन्”-अध्यक्षधार्मिक चौतारी नेपाल

Related Articles

Back to top button