Bachan Tv

धेरै बर्षअघि एकजना जुत्ताको ब्यापारीले आफ्नो दुईजना कर्मचारीहरूलाई अर्को देशमा जुत्ताको कारखाना खोल्नुलाई त्यहाँको मानिसहरूको अवस्था हेर्नु पठाएछन् । यसरी महिना दिनपछि तिनीहरू नौलो देश डुलघुम गरेर त्यहाँको मानिसहरुको अवस्था बुझेर आएपछि एकजनाले भनेछन् ” मालिक त्यो देशमा जुत्ताको कारखाना नखोले पनि हुन्छ ! बिक्री हुदैन ! किनभने सबैजना मानिसहरु खालि खुट्टै हिड्छन् ; जुत्ता त कसैले पनि लगाउँदैन । यदि तपाईंले जुत्ताको कारखाना शुरु गर्नुभयो भने तपाईंलाई नोक्सान हुनेछ। कारखाना नखोल्नु नै राम्रो हुनेछ”। यसरी अर्को कर्मचारीले भनेछन् ” मालिक त्यो देशको मानिसहरूले जुत्ता देखेकै छैन । उनीहरूको लागि यो नयाँ कुरा हो । यसैले यदि तपाईंले त्यहाँ जुत्ताको कारखाना शुरु गर्नुभयो भने धेरै बिक्री हुनेछ । साथै तपाईंले धेरै भन्दा धेरै मुनाफा कमाउनु सक्नुहुनेछ “। मालिकले यी दुइजनाको कुरा सुनेपछि त्यो दोस्रो कर्मचारीको कुरा सुनेर जुत्ताको कारखाना शुरु गर्ने निर्णय लिएछन्। कारखाना शुरु गरेको पहिलो बर्षमा नै यति धेरै जुत्ता बिक्री भयो कि त्यो ब्यापारी रातिको रात असाध्यै धन कमाउनु सफल भएछ । प्रिय बिश्वासीजन : आज हामीले कतिवटा यस्ता ठाउँहरु देखिरहेका छौ जहाँ मानिसहरुको लागि सु-समाचार नयाँ कुरा हो । उनीहरूले स्वीकार गर्नु मान्दैनन् । तर प्रभुमा सबै कुरा सम्भव छ यदि हामीले बिश्वास साथ सकरात्मक सोच लिएर त्यहाँ सु-समाचार पुराउँछौ भने उनीहरूले अवश्य नै स्वीकार गर्नेछ । तर अबिश्वास साथ नकारात्मक सोच लिएर “हुदैन हौ” भन्छौं भने त्यहाँको मानिसहरु सु-समाचार नपाई मर्नेछ बहुमुल्य आत्मा अनन्तको लागि नरकमा जानेछ । हामीले भनेको हुन्छ र हुदैन मा ठुलो हार जित लुकेको छ । प्रभुले तपाईंलाई सहायता गरुन् । आमिन ।

-नरेश राई