जीवनमा सधैं अवसरहरु आउँदैन …. आएको अवसरलाई तुरुन्तै समाउन सक्दनु पर्दछ ।

दिपेश एक युवा हुन । एक जना किसानको छोरीको गहिरो प्रेममा डुबेका हुन्छन् । जसरी भएपछि छोरी माग्न जान्छन् । किसान आफै खेतबारीमा व्यस्त थिए ।
विभिन्न कुराकानी बल्ल उनका छोरी माग्न आएको कुरा बताउँछन् । किसान मुस्कृुराउँदै भन्छन्, “ प्रिय छोरा उता गएर उभिए, म ३ बाट गोरु पालैपालो छोड्छु, तिमीले त्यस गोरुहरुको पुच्छर समात्यौं भने म मेरो छोरी तिमीलाई दिन्छु ।”

पूरा बलका साथमा दिपेश तयार हुन्छन् । उहाँसँग जोस, जाँगर, हिम्मत, बलसँग तयार हुन्छ । उताबाट किसानले पहिलो गोरु छोड्छ । बलियो गोरु थियो । उसले सोच्दछ, “ भो… यो बलियो रहेछ । अर्कोलाई समात्छु भनेर उसले निर्णय गर्दछ । त्यो गोरु उसको छेउबाट जान्छ ।

फेरी अर्को गोरु दोस्रो ढोकाबाट निस्कन्छ । अचम्म…. अविश्वनिय… दुर्लभ… कहिले नदेखेको गोरु हुन्छ । सायद यो असम्भव नै छ । उसले भन्दछ, “यसमा बल लगाउनु भन्दा त अन्तिम आउने लगाउँदा ठिक छ ।” त्यो दोस्रो गोरु पनि उसकै अगाडिबाट जान्छ ।

तेस्रो ढोका खुल्दछ । उसको अनुहारमा उज्यालोसहितको मुस्कान छर्दछ । अचम्म…. अविश्वनिय… दुर्लभ… कहिले नदेखेको तेस्रो गोरु उसको अगाडि हुन्छ । कति नै कमजोर, दुब्लो र हिड्ने मुश्किल…. विस्तारै विस्तारै गोरु अघि वढ्छ ।
उ पूरा तयारीको साथ अघि वढछ् । पूरा बलको साथ बुरुक उफ्रेर… हात पुच्छर समाउन खोज्दछ .. अवसोच त्यस गोरुको पुच्छरै हुँदैन ।

जीवनमा सधैं अवसरहरु आउँदैन …. आएको अवसरलाई तुरुन्तै समाउन सक्दनु पर्दछ ।
– संकलन ः रामहरी थापा
सक्दो शेयर गरौं… लाखौं जनतासमक्ष पुगाऔं ।

नेपाली ख्रीष्टियान इतिहासमा आज ऐतिहासिक दिन साबित भएको छ ।

अठारौँ शताब्दीको आरम्भतिर नेपाली भूमिमा पहिलो ख्रीष्टियान मिसन स्थापित भएपछि मैले थाहा पाएसम्म उपराष्ट्रपतिको कार्यालयमा ख्रीष्टियान कार्यक्रम भएको यो पहिलो हो । आज राष्ट्रिय ख्रीष्टियन महासंघ, नेपालद्वारा आयोजित विशेष शुभ-कामना आदानप्रदान कार्यक्रम सम्माननीय उपराष्ट्रपतिको कार्यालयमा हर्षोल्लासका साथ सम्पन्न भयो । सम्माननीय उपराष्ट्रपति नन्द बहादुर पुनको प्रमुख आतिथ्यमा सञ्चाालित कार्यक्रम अद्वितीय थियो ।

नेपाल ख्रीष्टियान इतिहासमा यस्तो समय पनि थियो जुन बेला बाइबल बोक्न मनाही थियो र सुसमाचार प्रचार गरेकाले जेल हालिन्थ्यो । तर आज इतिहास उल्टिएको छ । बाइबलले कुनै ख्रीष्टियानको घरमा मात्र नभई सम्माननीय उपराष्ट्रपतिको कार्यालयमा समेत हार्दिक निमन्त्रणा पाएको छ । येशू अब मण्डलीमा मात्र होइन, तर राजनीतिक कोठाहरूमा प्रचारिनुभएको छ ।

बाइबलमा परमेश्वरका जनहरू विभिन्न माध्यमद्वारा दरबार पुगेका उदाहरणहरू मनग्गे छन् । कैदी जीवन बिताइरहेका योसेफ मिश्रको साम्राज्यमा दोस्रो शक्तिशाली व्यक्तिमा पदोन्नति भए । आफ्नो मातृभूमिबाट निर्वासित गरिएर लगिएका दानिएल बेबिलोनका प्रधानमन्त्री बने । सामान्य यहूदी स्त्री एस्तर फारसकी महारानी बनिन् ।

येशू को हुनुहुन्छ ?

हाम्रो अध्ययनको शीर्षक रहेको छः येशू को हुनुहुन्छ? यसको जवाफ कपोलकल्पित, सतही र पूर्वाग्रही नभई गहन अध्ययनमा आधारित तर्कसङ्गत निष्कर्ष हुनुपर्छ । त्यसको लागि तपाईं र मैले स्रोतहरूलाई केलाएर अगाडि बढ्नुपर्छ ।

१. ख्रीष्टियान स्रोतहरू
ख्रीष्टियान स्रोतहरूलाई दुई भागमा बाँड्न सकिन्छ: नयाँ करार र नयाँ करारेतर (नयाँ करार बाहेकका) दस्ताबेजहरू ।

क. नयाँ करार
नयाँ करारका सत्ताइसवटा पुस्तक येशूको बारेमा बताउने सर्वाधिक भरपर्दा प्राथमिक स्रोतहरू हुन् । ५,००० भन्दा बढीको सङ्ख्यामा भएका नयाँ करारका विद्यमान ग्रिक पाण्डुलिपिले नयाँ करारको ऐतिहासिक सच्चाइको पुष्टि गर्छन् । येशूको मृत्युको करिब ६५ वर्षभित्रमा नयाँ करारका सबै पुस्तक लेखिएका थिए । सत्ताइसवटामध्ये कम्तीमा पनि दसवटा पुस्तक उहाँसँगै हिँड्नेहरूले लेखे । पुनरुत्थान हुनुभएका मुक्तिदाताका प्रत्यक्षदर्शी पावलले १३ ओटा पत्र कोरे । येशूको ऐतिहासिक अस्तित्वको लागि नयाँ करारमा अखण्डनीय साक्षीहरू समावेश छन् । इतिहासकारसाथै कानुनविद् जोन मोन्टगोमरीले स्पष्ट रूपमा बताएका छन् कि येशूको वास्तविक वर्णनको लागि एउटा इतिहासकार नयाँ करारका दस्ताबेजहरूमाथि भर पर्न सक्छ । स्वेच्छाचारी सोचाइ, दार्शनिक पूर्वाग्रह र साहित्यिक चालबाजीले यस वर्णनलाई अतर्कसङ्गत बनाउन सक्दैन भनी उसलाई थाहा छ ।

ख. नयाँ करारेतर दस्ताबेजहरू
हामीसँग प्रेरितिय पिताहरूद्वारा लिखित पउल रचनाहरू छन् । नयाँ करारपश्चात् तिनीहरू नै सबैभन्दा प्रारम्भिक ख्रीष्टियान लेखकहरू थिए । प्रेरितीय पिताहरूका रचनाहरूमध्ये इग्नेसियसद्वारा लिखित सातवटा पत्र सबैभन्दा महत्त्वपूर्ण मानिन्छन् । इग्नेसियस सिरियाको एन्टिओखियाका बिशप थिए जो रोमी सम्राट् ट्राजनको शासनकालमा ११७ अगि सहिद भएका थिए । तिनले येशूको मानवतासाथै ईश्वरत्वलाई जोड दिएका छन् । तिनले आफ्नो एउटा पत्रमा लेखेका छन् कि पिलातसको समयमा येशूलाई दण्ड दिइयो; उहाँलाई क्रुसमा चढाइयो र उहाँ वास्तवमै मृतकहरूबाट पुनरुत्थान हुनुभयो ।

इग्नेसियसका अतिरिक्त अन्य प्रारम्भिक लेखकहरूले पनि येशूको बारेमा प्रचुर मात्रामा बताएका छन् । तीमध्ये पोलिकार्प (ख्रिस्टाब्द करिब ६९-१५५), ओरिगेन (ख्रिस्टाब्द १८५-२५३), जस्टिन मार्टर (ख्रिस्टाब्द १००-१६५), तर्तुलियन (ख्रिस्टाब्द १६०-२१५), अलेक्जेन्ड्रियाका क्लेमेन्ट (ख्रिस्टाब्द १५०-२१५) उल्लेखनीय छन् । यीसाथै अन्य प्रारम्भिक ख्रीष्टियानहरूले ख्रीष्ट, उहाँले स्थापना गर्नुभएको मण्डली र उहाँका अनुयायीहरूको बारेमा बृहत् मात्रामा लेखेका छन् ।

प्रेरितहरूले येशूको बारेमा भएका अपरिहार्य सत्यताहरू तिनीहरूका अनुयायीहरूलाई होसियारीपूर्वक सिकाए । ती शिक्षाहरू एक पुस्तादेखि अर्को पुस्तासम्म र एक ठाउँदेखि अर्को ठाउँसम्म सठिक ढङ्गमा प्रेषण हुँदै आएका छन् । तब निर्णय यही हो कि “प्रारम्भिक मण्डलीका लेखकहरूले तिनीहरूका जीवनी र वचनहरू दुवैद्वारा प्रमाणित गरे कि सुसमाचारका विवरणहरूमा उपलब्ध येशूको जीवनको सम्बन्धमा भएका ऐतिहासिक वणर्नहरू सही र भरोसायोग्य छन् ।”

क्रमशः

येशू सम्बत भनिन्छ

आज १ जनवरी २०१८। यस सम्बतलाई इस्वी वा इसा वा येशू सम्बत भनिन्छ । ऐतिहासिक रूपमा यो सम्बत येशू ख्रीष्टको यस पृथ्वीमा भएको आगमन पछि शुरू भएको सम्बत हो । विश्व इतिहासलाई सम्बोधन गर्दा बिसी र एडी भनिन्छ । बिसी भनेको बिफोर क्राइष्ट वा ख्रीष्टभन्दा पहिलेको समय र एडि भनेको एनो डोमिनी वा परमप्रभुको वर्ष वा येशू आउनु भएपछिको समय भन्ने बुझिन्छ । यी दुवै शब्दहरू येशूं ख्रीष्टसँग सम्बन्धित छन् । आज मानिसहरू यो सम्बतलाई प्रयोग गर्छन् र यसको खुशीयाली मनाउँछन् तर जसको नाउँमा यो शुरू भएको हो उहाँलाई उच्चारण गर्न पनि चाहँदैनन् । यो कस्तो दुःखदायी कुरा । यही समाचारमा पनि विश्वभर अंग्रेजी नयाँ वर्षको स्वागत भनेर गल्ती सन्देश प्रवाह गरिएको छ । आजको १ जनवरी २०१८ अंग्रेजी सम्बत नभएर यो इस्वी वा येशू सम्बत हो । कृपया सही समाचार संप्रेषण गर्नका लागि म अनुरोध गर्न चाहन्छु । हामी इतिहासको तथ्यलाई नमारौँ । त्यो अन्याय हुन्छ । इस्वी वा येशू सम्बत २०१८ को शुभकामना दिन चाहन्छु । जीवित परमेश्वरले तपाईंहरु सबैलाई शान्ति समृद्धि प्रेम क्षमा र मिलापको जीवन दिनुभएको होस् ।
रेभ डा बाल कृष्ण शर्मा
काठमाण्डौ