अन्तर्राष्ट्रिय ख्रीष्टियन मेडिया समिटको २ दिने सम्मेलन भब्यताको साथ सम्पन्न भएको छ । जावलाखेलको स्टाफ कलेजमा भएको सो सम्मेलनमा नेपाली इसाई मिडियाकर्मी र साहित्यकारहरु उपस्थिति थियो ।
विभिन्न पाष्टर, अगुवाहरुले सफलताको शुभकामना सन्देशसहित सुरु भएको समिटमा पा. मंगलमान महर्जनले परमेश्वरको वचनबाट सिकाउनु भएको थियो । अध्यक्ष अब्राहम दियालीले संजालको बारेमा प्रष्ट पार्नुभएको थियो । कुमारसिंह विष्ट, दिनेश श्रेष्ठ, रमेश लामा, समिर घिमिरे र रामप्रसाद पौडेलले कार्यक्रम संचालन गर्नुभएको थियो ।
संगीतकर्मी गायक जोन डि खवासलाई कदरपत्र साथै नगद १ लाख भारु प्रदान गरि सम्मान गरिएको थियो । उनीले सम्पूर्ण जीवन प्रभुलगायत अरु थुप्रै भजनगीतहरु दिएका छन् । सो सम्मान कार्यक्रम पा. यम सिवाको नेतृत्वमा भएको थियो ।
टाईम्स अफ इण्डियाका वरिष्ठ सम्पादक जोएल राई, जनता टि.भी.का कार्यक्रम प्रस्तोता प्रकाश बिशंखे, साहित्यकार छत्र सुब्बा पावल, मेहरमान सुब्बा, शुकदेव गिरी, शेर एसी, बिपी खनाल, पत्रकार गिदोन लामिछाने, कुमारसिंह बिष्ट, महिमा भट्टराई, विश्वास थापा, सुमित नेपाली, निलिमा कोईरालाले प्रशिक्षण दिनुभएको थियो
चैत्र १ र २ मा भएको कार्यक्रममा अमेरिका, भारत, नेपाल, थाइल्याण्ड लगायत देशबाट प्रतिनिधित्व रहेको थियो ।
अन्तिम दिनमा नयाँ कार्यसमिति चयन भएको थियो । सञ्जालको अध्यक्षमा अब्राहम दियाली (अमेरिका), सह–अध्यक्षमा रमेश लामा (भारत) गिदोन लामिछाने (नेपाल), उपाध्यक्षमा भुवन देवकोटा, कुमार सिंह बिष्ट (नेपाल), महासचिवमा दिनेश श्रेष्ठ, सचिव हनोक थापा (भारत), रामप्रसाद पौडेल (नेपाल, कोषाध्यक्षमा प्रकाश विसुन्खे, सह कोषाध्यक्षमा रेणु तामाङ (नेपाल) सदस्यहरुमा किशोर राई (भारत), निमा लेप्चा, हेम थापा (हङकङ ) रहनुभएको छ ।
अन्तर्राष्ट्रिय नेपाली ख्रीष्टियन मिडिया संजालले सो कार्यक्रम गरेको हो ।